RuRu Tapas Restaurant (已結業)

喺公司附近要揾个地方同朋友庆生都唔容易，食连锁店劲无诚意，食平日lunch 食开嘅小店我又唔太想。记得曾经喺 OP 都见过下一间评语唔错嘅西班牙餐厅，一于决定试下。点知呢个决定太对了，餐厅气氛几好，坐都舒服，背景音乐仲要系 90 年代欧美歌曲而且唔大声。当然最紧要就系野食。拣左西班牙蛋饼、北海道带子芒果牛油果他他同西班牙海鲜炒饭（本来想叫乳猪但卖晒）。三样卖相同味道都很好，尤其系个他他，黎到见到有金薄真系好惊喜。我地仲叫左 Borgo Imperiale Prosecco。两个正常食量女人食啱啱好可惜是日无甜品，我地最尾仲叫埋单骨鸡翼（倾多阵谒），少辣，都几好食。可能因为系平日嘅夜晚，客唔多，但就啱晒舒舒服服食野倾谒了。咁啱 OP 有订座折扣，令到今餐饭更加完美。