金山海鮮酒家

营业中

休息中

一年一度既旧同事聚会，见到 openrice 介绍呢间都唔错，就决定试下喇。最初选择去旧店的，不过订枱时侍应话装修无得订枱，叫我地打电话去新店，而订枱时间只有两个，晚上七点和八点。我地就选择咗七点。七点到埗，可能时间算早啦，都仲有几多枱系未有人既，所以我地唔使等就可以埋位啦。我地人少 (3 个人)，又已经系 openrice 度谂好食咩，所以好快落 order ，而 d 菜都好快上枱。 云英鸡： 要咗半只，鸡肉都算嫩滑，鸡皮都爽口，少少肥，可以接受到既，不过就好似偏咸咗少少。 鲜虾小棠菜锅贴： 份量十足，因为用虾胶做馅料，虾胶够弹牙，而外皮亦炸得好松脆，唔系厚粉既，亦都唔太多油。呢碟香口菜，当然啱我地呢 d 后生女食啦，系热气咗 d 咁啦。 瑶柱琵琶豆腐： 豆腐滑，又多瑶柱，芡汁的浓稀亦啱啱好，好味﹗： 砵酒焗桶蚝： 呢碟菜系我觉得最好味的，蚝够晒大只，一共有五只。不过，中餐厅始终都系比较嘈，唔太方便小人的聚会。最后本来系有糖水–红豆沙送的，但系我地未倾够，决定咗去糖水店再倾多一阵，所以就无要到啦。