金雞去骨海南雞專門店

营业中

休息中

大概两年前我嚟过呢度食海南鸡饭，果次一食惊为天人，所以今次我对佢有比较高嘅期望。有外面睇你净系见到一个大大嘅招牌，里面环境比较细，只系有几张枱，但系胜在啲餐黎得快人又食得快，所以人流都OK。我见今次入去老板娘都唔喺度，有两个后生仔喺厨房里面煮，可能因为开咗分店老板娘会向另外果两间分店度做 ？我真系唔太清楚。坐低左𠮶位泰国婆婆好快来take order，服务态度好好而且见我哋多嘢攞多咗张凳俾我哋摆袋添。话咁快间海南鸡饭𠮶个南瓜汤就嚟啦！同两年几前饮一样咁好味，清热下火冬天或者夏天饮都一样咁好。不过汤好似比以前少左d。海南鸡饭好快就到啦，个样摆得冇以前咁靓，个饭散左少少不过可能午饭时间比较多人，所以冇办法做得咁靓。海南鸡饭食落冇咗以前果种惊喜，个饭嘅鸡味都出嚟，啲鸡都OK。去咗皮嘅鸡肉冇乜鸡嘅鲜味，但系有鸡皮鸡肉就好味啲。比起两年前食好似差左少少因为个鸡冇以前果种爽口同埋鸡鲜味。可能我美化左以前嘅经历但系今次食落个海南鸡饭有啲平平无奇，但系饮𠮶啲汁就好好味。特别喜欢佢有少少辣嘅酱汁，应该就系𠮶个泰式酱汁啦。