地茂館甜品

营业中

休息中

我谂我有两年冇嚟过，今次带咗契爷契妈黎试吓。佢哋钟意捐窿捐罅揾嘢食, 今次走咗出嚟九龙城, 食甜品之前揾咗我一齐去一间新开Cafe试吓佢嘅意粉, 都唔错系细碟咗啲同埋地方迫夹咗啲. 佢哋其实一早已经谂定今日嘅九龙城之旅要食啲乜嘢, 食完Cafe就转战食糖水. 呢间系我介绍佢哋嚟食嘅, 难得有一间旧式嘅中式甜品，以前成日同男朋友嚟食，食到连个老板都记得我哋，不过⋯⋯因为契爷契妈都系嘴刁之人,所以都有啲压力㗎，契爷食完话OK, 系契妈一啲评语都冇啰，即系佢嘅level 唔算好味。😰我哋三个人要咗三款大家share食，契爷就拣咗芝麻汤圆同埋红豆凉粉，契妈就拣咗咋喳。终于我同契妈都觉得咋喳好食啲，可能本身我麻麻哋凉粉啦，佢沟咗落啲红豆沙度好似有啲唔系好夹咁。咋喳好多料，唔太甜，啲豆煲得好淋，芋头又够粉。终于契妈食咗差唔多三分之二（平时佢都好少食甜品） 又谂返起以前成日同男朋友嚟，食来食去都系𠮶几样野走唔甩，包括：腐竹薏米白果、杏仁莲子百合/雷沙汤丸或者红豆糕。