金碧酒樓

营业中

休息中

9月中嘅星期六，同食友到金碧酒楼食晚饭，我哋预约咗7:30。去到酒楼已经差唔多全满，剩返一两枱2-4人枱。大伙人嚟食，记得预约。我哋本身已经睇咗菜单决定食乜嘢菜色。先来嘅系叉烧，7分瘦三分肥，唔系太甜，建康，亦啱我口味😚。杏汁猪肺汤，好足料，除咗猪肺亦有猪肉，杏汁味配汤可以接受，平时我唔钟意杏汁味，也接受到。炸虾球，鱼肠焗蛋，蛋蒸虾，就系酒楼水平，比较特别系八宝鸭，酿鲮鱼肉同理豉汁蒸盘鳝，系手工菜式，好少酒数再做啦。蒸盘鳝好好食，蒸得啱啱好，鱼肥又滑。鲮鱼肉好香，应该落足配料。食完之后仲有一碗糖水送，好好。呢度啲员工已经上了年纪，大家有兴趣试就快去。