鐵板世家

营业中

休息中

好耐都冇食过港式嘅扒餐了，今次黎到位于旺角铁板世家，依到修好有旧时代香港味道，依到 dinner ser都几多野拣而且价钱都好抵下，仲有跟餐汤、餐包、甜品同餐茶，今次我地2个人叫左2个扒餐黎食1.铁板肉眼拼猪扒同铁板肉眼扒上到枱时会同你落汁，有黑椒同蒜蓉汁拣，可以拣汁另上，唔一定要淋上面，因为我个人唔钟意弹油同太汁，所以拣左另上。2份扒都够晒大块，肉眼扒5成熟食落肉质鲜嫰，一啲都唔会韧，熟到岩岩之好。坊间好多都会用松肉粉乸到冇晒牛味，但依到就好够肉味，所以唔驶点汁都觉得好够味道。系目前食过咁多间专食扒餐黎讲嘅港式餐厅黎讲系最有水准同好食，而猪扒都嫰滑，唔会话太薄，所以食落好鬼满足。扒餐配嘅薯条都好好食，唔会话好油，又冇炸过龙，点埋佢d汁食就紧正2.餐包餐汤港式扒餐就紧系唔少得餐包同罗宋汤嘅配搭，餐包食落松软，加埋牛油食最正，而罗宋汤味道香浓，同旧时嘅味道差唔多，连我少饮餐汤嘅人都忍唔住饮晒。3.甜品依到嘅甜品系啫喱，有得拣落花奶定唔落，配埋依个啫喱做依餐嘅结尾，真系好有返返细个时候嘅感觉。整体黎讲，餐厅食物质素高，好过好多地方嘅扒，而且价钱公道，可以食完再食。