影片
更多
2016-09-26
2775 浏览
观塘依家酒楼愈来愈多，要吸引人，除左价钱系一个好重要的因素之外，d嘢好唔好食都系一个不可缺小的因素。价钱贵唔贵好睇自己的预算，但呢到嘅食物我都几肯定系有质素嘅。依家唔系好多酒楼仲有整灌汤饺，唔知系因为工序烦复或系其他原因，要食到都唔系甘容易。见到呢到有，梗系立即要试下。灌汤饺超大只，而且人面的料十足，有蟹柳，鱼肚，冬菇，花胶等等，d料多到成只饺都爆唒。个价钱只不过20几蚊，仲有埋个汤饮，笃爆左只饺之后，d料汁max埋个汤汁，劲好味，真系好抵又好食。烧腩仔包--怀旧嘅茶楼食品，外面的包包好松软，系我中意食嘅旧式面包味。入面的烧腩仔就略为肥左d，要真系好有限额嘅人先食到。虾饺--深信虾饺系必叫食物，呢到虾饺几足料㖞，入面有至小2只虾仔，食落又爽口。外边的皮又厚薄适中。白烚腰润--我估唔系甘多人中意食，其实成碗我自己食唒甘制，哈。我好中意食猪腰同猪润，白烚后咬落又爽口，再配小小姜丝同葱丝，点豉油食，超正。芒果布甸--我好中意系酒楼食芒果布甸，因为茶楼先做得出𠮶阵味，唔同依家西式的甜品店，点唔同就真系要自已试过先知。好记得以前茶楼通常会做到一个心型甘攞出嚟，唔知大家有无呢d回忆。依家嘅茶楼为迎
观塘依家酒楼愈来愈多，要吸引人，除左价钱系一个好重要的因素之外，d嘢好唔好食都系一个不可缺小的因素。价钱贵唔贵好睇自己的预算，但呢到嘅食物我都几肯定系有质素嘅。
依家唔系好多酒楼仲有整灌汤饺，唔知系因为工序烦复或系其他原因，要食到都唔系甘容易。见到呢到有，梗系立即要试下。
灌汤饺超大只，而且人面的料十足，有蟹柳，鱼肚，冬菇，花胶等等，d料多到成只饺都爆唒。个价钱只不过20几蚊，仲有埋个汤饮，笃爆左只饺之后，d料汁max埋个汤汁，劲好味，真系好抵又好食。
烧腩仔包--怀旧嘅茶楼食品，外面的包包好松软，系我中意食嘅旧式面包味。入面的烧腩仔就略为肥左d，要真系好有限额嘅人先食到。
虾饺--深信虾饺系必叫食物，呢到虾饺几足料㖞，入面有至小2只虾仔，食落又爽口。外边的皮又厚薄适中。
白烚腰润--我估唔系甘多人中意食，其实成碗我自己食唒甘制，哈。我好中意食猪腰同猪润，白烚后咬落又爽口，再配小小姜丝同葱丝，点豉油食，超正。
芒果布甸--我好中意系酒楼食芒果布甸，因为茶楼先做得出𠮶阵味，唔同依家西式的甜品店，点唔同就真系要自已试过先知。好记得以前茶楼通常会做到一个心型甘攞出嚟，唔知大家有无呢d回忆。
依家嘅茶楼为迎合现代人嘅口味，不时推出新的原素，对我而言，系一个好事。但系我更希望有更新之余，还保留旧有的风味，甘就两全其美了。
张贴
