北斗翁頂尊火鍋料理 (已結業)

聽聞呢間野都幾出名，朋友就幫我地成班人BOOK左位，不過早左幾個字到，我地都要等到差唔多果個時間先可以入去。入面去裝修就幾靚，坐低之後我朋友就已經叫左個麻辣鍋，我個人就受凍唔受辣點知又辣得好過癮，雖然我之後唔知點解成身紅哂（可能辣過頭，或者又可能又辣又飲酒），不過整體經驗黎講都係唔錯既。不過當日隔離２個女仔就有唔好既經歷，因為佢地好似唔想叫辣既鍋，但其他鍋又唔係得返好多，所以佢地揀左好多款都無哂存貨，佢地就好嬲，而且亦都試過將隔離既野食送左去我地張枱度，所以唔知係忙過頭定點，一般餐廳犯既少少錯都可以容忍既

我都好少寫食評但呢間野真係令我火滾。上星期三係官塘想打個邊爐, 諗住同屋企坐得舒服d 咪去北斗食。價錢唔係問題最緊要坐得好邊食邊吹水， 點知就奶曬野。跟住個app 地址上到去睇下個名叫“醉翁x” 原來改左名，無理會照入坐底。落曬order 等食途中突然有枱食客同個侍應互相問候粗口橫飛， 我仲以為睇緊區區開火 。以為都係d麻煩客 攪事無謂受佢地影響食野既心情。 點知同樣既事情都發生係我同其餘枱客身上。唔知係咪趕收工啦，個個掛住清枱set野 完全無人招呼。叫佢攞多對筷子， 都黑我面;叫人加湯無人理衰到要自己去攞湯加..都算...我未試過去一間叫似樣d既飯店個客仲好禮貌過你d伙計比錢之餘仲要唔該前唔該後咁同佢地講野 ...咩料呀? 個男經理仲衰，叫佢幫手加湯同時順口叫佢幫我地追漏單。佢可以當聽唔到， 無反應。咁我屋企人再好有禮貌再問， 點知佢同我地講 “你唔見我加緊湯咩， 點應你呀?” 我終於明白點解之前枱客會咁大反應 粗口問候! 因為我都想! 諗住請屋企人食好小小 點知攪成咁。就算野食再好都無用，更何況呢間野食材一般 。我求其去九龍城食都好食過你， 仲要比正價受你氣? 個日唔止我一枱客受

服務差，重味精。同利舞臺個間比，d服務差好多好多。客人已經唔係多，半個場客都無都可以搵唔到人落單。又唔熟饗牌，還要漏單。等到成個䭚碟炒飯都未到。食完口渴到不得了，不停要飲水。

Apm附近9點後搵地方打邊爐，明明個腦想去不倒翁，去左北斗翁。但原來觀塘無。好啦，半價嘛，叫左好多野食，三個人叫左十幾樣野食....半價嘛.....半價嘛認真，個湯底越食越咸，因為係不停加湯，所以食左三份二開始頂唔順，每次都改叫加水。除左呢個問題，其他都無特別問題，但埋單1千6百幾，如唔半價.....哈雖然不可以同自己買相比，但半價左都咁貴，唔半價時點算

一家人去十下十，屋企有牛魔王...所以叫咗兩份唔牛，我就愛雪花牛多D。不過比起牛，我就偏愛手打丸，有鮮味又彈牙整體不過不失，食材新鮮，湯底都夠味...正正常常一餐飯

觀塘依家酒樓愈來愈多，要吸引人，除左價錢係一個好重要的因素之外，d嘢好唔好食都係一個不可缺小的因素。價錢貴唔貴好睇自己的預算，但呢到嘅食物我都幾肯定係有質素嘅。依家唔係好多酒樓仲有整灌湯餃，唔知係因為工序煩複或係其他原因，要食到都唔係甘容易。見到呢到有，梗係立即要試下。灌湯餃超大隻，而且人面的料十足，有蟹柳，魚肚，冬菇，花膠等等，d料多到成隻餃都爆唒。個價錢只不過20幾蚊，仲有埋個湯飲，篤爆左隻餃之後，d料汁max埋個湯汁，勁好味，真係好抵又好食。燒腩仔包--懷舊嘅茶樓食品，外面的包包好鬆軟，係我中意食嘅舊式面包味。入面的燒腩仔就略為肥左d，要真係好有限額嘅人先食到。蝦餃--深信蝦餃係必叫食物，呢到蝦餃幾足料喎，入面有至小2隻蝦仔，食落又爽口。外邊的皮又厚薄適中。白烚腰潤--我估唔係甘多人中意食，其實成碗我自己食唒甘製，哈。我好中意食豬腰同豬潤，白烚後咬落又爽口，再配小小薑絲同葱絲，點豉油食，超正。芒果布甸--我好中意係酒樓食芒果布甸，因為茶樓先做得出嗰陣味，唔同依家西式的甜品店，點唔同就真係要自已試過先知。好記得以前茶樓通常會做到一個心型甘攞出嚟，唔知大家有無呢d回憶。依家嘅茶樓為迎

我食左咁多年中式酒樓，好清楚要收茶介。連小朋友2歲以下都有機會收。唔係問題。收花生錢就叫前菜成為$20大元。都唔係問題。就連開茶既茶壺都要收費，每個$25大元。嘩，完全濫收費用……我問下部長，佢話食唔起就唔好啦！火都黎。。。

不吐不快經歷，待應服務超差⋯星期六早上十一時入座，早茶時段至十一時廿五分，座下立即入點心紙，點左孖寶套餐（粥+包類）及幾款點心。女部長走過來話粥已經賣完，我問粥是套餐，叫她不要取消個包，女部長態度超差叫我等下，如果個包冇出就再入點心紙。這刻已經覺得有冇攪錯，咁都得。。。如是者等左半個鐘，一個點心都未到，眼見隔離枱遲來的客人已經有點心到，於是問男部長跟進，他說點心是即叫即蒸，叫我等之後兩個蒸點心到，其餘是煎蘿蔔糕及煎堆及一個蒸點心。再過一陣，忍無可忍，問位女待應有冇漏單，叫她立即print張落單紙，她回應態度是黑口黑面兼明知漏單但冇諗過跟進就走左去，眼見其他枱都食緊蘿蔔糕，明顯是漏左，太激氣便叫男部長結賬，比錢仲要等十分鐘全程沒有聽過待應說對不起，吾好意思！！留下一句當比乞兒就走。

又是一家人吃晚飯的日子，所以都必定選擇酒樓，為了方便小朋友出入，而且又方便訂位，我們都習慣在觀塘吃晚飯。北斗翁頂尊火鍋料理晚上分2段時間，我們吃第1輪18:00，20:00便要交枱。食物味道也算不差，只是份量有點不太夠。酒樓環境也乾淨，只是座坐有點逼，枱與枱之間出入都有點不太方便，整體還是不算很差的。*******************每枱必定有的小吃，炸魚子和花生粒。魚仔都幾脆口，但沒什麼味道，花生有點腍。脆皮燒腩肉，腩肉的皮很香脆，腩肉味道也不錯。蜜汁叉燒，都幾瘦不算肥，叉燒都幾腍，也算不錯。燒鵝，是北斗翁的主打，燒鵝肉不算很多也不很肥，味道也不錯。上湯龍蝦伊麵，因為龍蝦特價，所以要了一份，龍蝦都不算很大隻，所以肉也不算很多，伊麵份量也不多但有點腍，上湯都幾好味，所以很快便食完。咕嚕肉，酸酸甜甜都幾開胃，肉的炸漿也不算很多，所以都幾真材實料。肉碎燴時菜，用上肉碎粒和菇粒燴在菜上，菜份量也不多，夠清淡。蜜豆炒鴕鳥肉，蜜豆就幾甜，鴕鳥肉肉質有點像牛肉，但比牛肉腍一點，沒有什麼特別肉味。一魚兩味，魚肉炒西蘭花，餘下的便清蒸，肉連骨也幾多，頭頭尾尾都有肉食。魚肉起片炒西蘭花，魚肉都幾大片

星期五晚，等男友工作完後，黎左觀塘覓食😁我地黎到已經9點半。原來9點後入座有半價兩個人清清地，叫左個瑤柱白粥湯底。第一次試咁特別既湯底估唔到好正😁 個湯底無落任何調味料，好清😁 而且好足料，好多瑤柱 今晚我地只叫左3樣野1） 生菜2）4色手打丸d丸真係好彈牙，感覺好新鮮。有一隻幾特別，有陳皮味😅只能用特別黎形容～ 最愛魷魚丸，好好食，魷魚味好重3）本地手切牛肉 雖然好廢，但個牛真係好有牛味😂😂😂好滑～配埋清清地既湯底，更突顯到個牛味😁最後叫jar 西瓜汁，正正常常～都收88蚊成餐飯整體黎講好滿意係我食過最好食既打邊爐😂😂😁😂😁 不過兩個人食左差唔多600蚊～宵夜黎講都係貴（ 仲要有d野食係半價左）

位於觀塘的鱷魚恤中心，一律都是中式酒樓。每間都去過飲茶, 印象比較深應該是「釣魚翁」的即席燒鵝及燒乳豬。約父母去「釣魚翁」飲茶, 但是「北斗翁」和「釣魚翁」的名字太相似, 父母攪錯地點結果變成到「北斗翁」飲茶。「北斗翁」和「釣魚翁」兩間食肆同一集團，前者專攻極上火鍋，後者主打即席燒乳豬燒鵝。踏進店內第一眼看見的，就是這個特大魚缸，海瓜子斑、老鼠斑、龍蝦、象拔蚌...等游水海鮮。這條$130一兩的深海花金古真珍貴, 差不多二、三千元一條。可能是筆者見過最貴的魚。高級海鮮當然要有美酒相伴, 因此酒樓提供不同類型酒精飲品供人客選擇。這兩筒清酒不知道是否用作裝飾還是真.清酒?「北斗翁」的裝潢比「不倒翁」高級一點，裝修色調柔和大方，座位寬敞，絕不似一般火鍋店煙霧迷漫，卡位還特闊落。配上特色的吊燈, 營造出簡約時尚的環境。雖然窗外景色一般, 只能看到工廠大厦。但是, 酒樓環境舒適, 而且茶具潔白, 全部印上「翁」字更顯氣派。午餐的點心有六十多款, 款式以傳統點心為主。另有幾款特價粉麵飯。點心價錢分別為$16.8小/ 21.8中/ 26.8大/ 31.8特。價格定位有官塘區來說屬中等。雖然這裡沒有烤

一大班同事去飲茶，門口企左超多人，好彩秘書有book位，先至可以快少少入座~個個同事第一時間唔係畫點心，而係話一定要食呢度嘅燒鵝，結果無令大家失望，果然皮脆肉嫩，咬落都好入味、好juicy，所以好快就比大家掃晒lu~而家喺出面都好難食到燒鵝，通常都只得燒鴨，所以以後諗起食燒鵝，都會黎呢度近近地有得食~

星期六中午來鱷魚恤中心飲茶, 這裡是不用等位的, 下午茶時段還有特價, 店內環境不錯的, 坐得舒適蝦餃很大隻, 全是蝦沒有荀, 雖然有點乏味, 但新鮮熱都算好吃的這個雪芋頭包, 味道很怪, 芋頭蓉又咸又甜, 很難吃馬拉糕鬆軟有庶糖香味, 如果有欖仁更好腸粉軟滑, 可惜唔夠熱蛋白杏仁茶, 有蛋白 + 熱杏霜的味道, 不會再吃

由於勞動節放假同埋我妹快生日既關係, 諗住近近地係屋企附近搵間酒樓飲茶, 點知無意中見到黎間, 咁就入左去啦！入到最盡果間房, 嘩, 超級凍!!! 我妹要搵同學既關係, 所以食住等。其實叫左唔係好多野, 除左鮮蝦餃同灌湯餃無食之外, 其他都有品嚐過。先講叉燒飽, 熱辣辣, 叉燒汁都幾多, 所以唔會話好乾爭爭, 好食!!!珍珠雞就真係幾珍珠, 3啖已經食哂, 味道好似無乜, 而入面仲見到少量肥豬肉, 咁食左一件就無食啦！唐生菜就無咩特別, 普通人都識整。至於個冰鎮豬手, 食落去似海蜇咁既質感, 爽爽地又唔難入口, 建議一試!腸粉就 Okay 啦！叉燒大大塊, 係唔鍾意既就係加左啲香草落去。我妹黎到之後, 就叫左個川芎百芷魚雲同豬腳薑。魚果個就肉唔多, 大部分都係骨, 有啲杞子伴下。仲有好大既中藥味。最後, 就係個豬腳薑啦！味道可以, 值得一試。服務就怕怕, 等腸粉, 埋單同加水都要等好耐先有。

是日觀塘搵位飲茶,就心中以選不倒翁,因為之前試過係時代廣場分店食過,覺得水準唔太差,除左o的粉皮類既點心個皮好厚外.材料係幾足秤的由於我實在太得閒,我幾乎影哂所有點心紙和食物.無法,閒人就是這樣豬潤腸既粉腸皮依然係略為厚,但係唔太過份,重點係個豬潤都係唔夠粉嫩.魚湯魚滑湯米粉$108 是這餐的推介,因為超級大煲,我地2個人每人食左4-5碗都食唔哂,我真係食到想喊.魚湯奶白色夠哂吸引,魚味還幾濃烈,魚滑亦都好彈牙.而且米粉都唔係軟軟的,而係帶硬度的口味,實在爽喔粉果味道中等,缺點還是粉皮略厚帶子菜苗餃雖然是粉皮略厚,但係個餡好鮮甜,可能係因為有帶子既關係吧.而且菜苗亦唔係軟腍腍而係有點爽口,所以味道還不錯這個不評論,沒有食避風塘茄子$48,整餐第2好味道,炒得夠乾身,蒜味夠重,而且茄子本身帶甜,亦有汁,外脆內軟,係個惹味既小食埋單價錢不詳,是舊老闆請客.祝前程似錦!