新寶馬餐廳

营业中

休息中

这个餐厅座落在一条出名的街道上，2000年代之前基本上冇人不知道高街鬼屋，我嘅年青时代同呢条街好有渊源，我嘅学业，刻骨铭心嘅爱情，成为负资产人仕，好辛酸咁创业，亦渡过人生最悲凉嘅岁月。以前街道大部份都系一啲旧商店，餐厅，粥店，车房，现在已经变成很多美轮美奂嘅餐厅酒吧，被誉为西环苏豪区。唯独这间餐厅屹立至今大概都20至30年，这餐厅是做港式西餐，今次重温旧梦点了一个羊扒套餐，包括有好传统嘅港式罗宋汤配蒜蓉包，罗宋汤很足料浓郁，不会水汪汪，薯蓉焗田螺，而家都好似系出边好难食得到，田螺好香香草牛油味，我喜欢用田螺嘅牛油捞底下嘅薯蓉一齐食又或者将牛油薯蓉涂系蒜蓉包上一齐食，美味层出不穷，仲有一个份量十足嘅羊扒配意粉，三件分量十足嘅羊扒半煎炸香脆可口，肉质虽然唔系最上等，中间仲夹杂少少梳打味，但作为一间街坊餐厅，整个餐只系$80几蚊(如有记错请勿怪责)，算系非常之超值。而家整条街上只剩下这间餐厅还有一间传统面店，同埋一间依然吾系好友善嘅酒庄(其实系士多)，整条街已人面全非，如果大家都想怀缅下昔日港式西餐嘅味道我觉得都可以嚟试一试。