影片
更多
2023-09-07
70 浏览
近年大受欢迎嘅Omakase ，又称厨师发办，意思是指把当日的餐点全权交给师傅决定或料理。餐厅会根据当季渔获材料定时更新合时的菜单，务求让食客能够吃到新鲜的材料，所以深得识饮识食又钟情日本料理嘅香港人喜爱😍今日我想推介位于黄金海岸商场新开嘅呢间极高质兼CP值爆灯🤩嘅Hakata Concepts。Hakata concepts 提供Omakase同铁板烧料理，而我选择嘅系博·创作商务午餐，并由Wilson师傅主理，当中包括前菜、茶碗蒸、刺身3点、寿司6贯、精选和食2款、汤品及甜品，附送茶或咖啡一杯。事不宜迟，睇吓有咩嘢食先！🩷第一道喺前菜 — 三文鱼子莼菜我第一次食莼菜，系一种天然植物嘅啫喱，口感好特别，配上时令嘅秋葵同淮山粒，以及紫苏花，加上粒粒晶莹剔透嘅三文鱼子，入口鲜甜大爆发，简直喺多重味觉享受😋❤️ 刺身3点有真鲷鱼、仙台帆立贝及池鱼师傅别出心裁咁用梅子浸嘅烧酒制成啫喱配上少许柚子盐及紫苏花🪻，可以夹起紫苏叶bb 与真鲷鱼刺身一齐食，入口吃到嘅系夏日清新嘅味道😌 仙台帆立贝肉质厚实，鲜甜味美👍池鱼刺身就食得多啦！配合芝麻同一种带辣味嘅花（忘记咗个花名🫣）再加少少七味粉嘅食法，你又
今日我想推介位于黄金海岸商场新开嘅呢间极高质兼CP值爆灯🤩嘅Hakata Concepts。
Hakata concepts 提供Omakase同铁板烧料理，而我选择嘅系博·创作商务午餐，并由Wilson师傅主理，当中包括前菜、茶碗蒸、刺身3点、寿司6贯、精选和食2款、汤品及甜品，附送茶或咖啡一杯。
事不宜迟，睇吓有咩嘢食先！
🩷第一道喺前菜 — 三文鱼子莼菜
2 浏览
0 赞好
0 留言
我第一次食莼菜，系一种天然植物嘅啫喱，口感好特别，配上时令嘅秋葵同淮山粒，以及紫苏花，加上粒粒晶莹剔透嘅三文鱼子，入口鲜甜大爆发，简直喺多重味觉享受😋
❤️ 刺身3点有真鲷鱼、仙台帆立贝及池鱼
2 浏览
0 赞好
0 留言
师傅别出心裁咁用梅子浸嘅烧酒制成啫喱配上少许柚子盐及紫苏花🪻，可以夹起紫苏叶bb 与真鲷鱼刺身一齐食，入口吃到嘅系夏日清新嘅味道😌 仙台帆立贝肉质厚实，鲜甜味美👍
2 浏览
0 赞好
0 留言
池鱼刺身就食得多啦！配合芝麻同一种带辣味嘅花（忘记咗个花名🫣）再加少少七味粉嘅食法，你又试过未呢？呢种花嘅辣喺嚟自佢嘅后劲，淡淡微辣，刺激味蕾同时容易接受😊
🧡兰王蛋黄酱油+酱油渍鱼
2 浏览
0 赞好
0 留言
第一眼睇完全估唔到喺蛋黄酱油，师傅用咗兰王蛋黄配酱油，再将雪冻咗嘅洋葱切薄切，夹埋酱油渍鱼食。蛋黄味香浓幼滑，配上爽脆清新嘅洋葱，实在喺多重口感嘅享受！师傅仲俾少少饭我沾埋d蛋黄酱食添😋
💛矶烧鲍鱼
1 浏览
0 赞好
0 留言
用上30只鲍鱼同白萝卜熬汤再烩番落鲍鱼，啖汤充满鲍鱼嘅鲜味同白萝卜嘅甜味，真喺想连汤底都饮埋佢啊🤭
💛好玩又好食既石门贝寿司
2 浏览
0 赞好
0 留言
当我睇住师傅纯熟嘅刀工及手势整石门贝寿司，突然师傅叫我睇住啦wor! 原来师傅准备拍一拍瞓著咗嘅石门贝😛 石门贝即时弹起身，师傅话咁样会令肉质爽口d! 我个人好喜欢石门贝嘅清清地嘅鲜甜味同爽脆嘅口感😋 绝对喺encore 之选！
💚登！登！登！登！海胆赤虾紫菜天妇罗
3 浏览
0 赞好
0 留言
厄爆like👍 超足料嘅海胆😍😍😍 口感奶滑又浓郁，入口即溶，味道超级鲜甜！我话呢个一定喺香港人至爱嘅款式🤭
真喺超级足料嫁！！！我要分咗3啖先食得哂😛
🩵中拖罗寿司
2 浏览
0 赞好
0 留言
颜色粉嫩嘅中拖罗，油脂比例恰到好处，入口油润，味道鲜甜甘香🥰 建议先食右面用酱油嘅，再食左面落盐嘅中拖罗寿司。谂起都想再食😳
💙甘鲷立鳞烧
2 浏览
0 赞好
0 留言
立鳞烧配蘑菇酱，鱼鳞烧到香脆可口，肉质特嫩，酥香与软嫩两者形成强烈口感对比🆚
仲有甘香乌鱼子鱿鱼寿司、松叶蟹茶碗蒸、香葱bb寿司、柠檬浸甘薯🍠等等，今餐真系大满足！
除咗食材新鲜之外，我欣赏师傅别出心裁地用多种不同食材配搭，创造出多层次嘅口感同味道，令客人拥有舌尖上的高级享受💕
新开业期间午市omakase 第二位半价，可以讲喺CP值爆哂灯！我已经同师傅讲定会约朋友去encore啦😛😛😛
希望大家喜欢我今次嘅分享啦😉
张贴
