Verde MAR (已搬遷) 新店位置

前几日weekend同男朋友经过湾仔既大王东街见到系聪嫂甜品对面有间装饰得好特别既餐厅，我就拉住男朋友埋去睇下餐牌究竟食咩东东...睇睇下先知道原来系墨西哥菜架！我呢d咁孤陋寡闻既人其实净系知道tacos同埋nachos...一直都唔知原来墨西哥菜有咁多唔同食物架！前菜叫左一个鱼刺身， Snapper Ceviche, 摆盘好似一个盛开紧既花花，味道方面有d似泰国生虾，而且有d辣辣地，系咁鬼死热既天气就最正啦，而且d虾都几新鲜爽口...由于男朋友唔系好中意食虾我差唔多自己食晒成个呀哈哈！主菜点左个Birria Beef Stew，侍应解释话原来d饭、洋葱及香料系需要加入个汤度拌匀黎食架，有d似我地既中式汤饭咁~我好中意个牛肉汤，因为味道非常浓，有d似香港牛腩饭既腩汁味，而且牛腩肉质好松化，食既时候饭完全吸收牛肉浓汤，再放系咁有特色既餐具上面非常有风味，正呀~~