Orange Elephant Thai Restaurant (啟德道)

营业中

休息中

朋友想揾间坐得舒服又倾到计嘅餐厅，九龙城最多嘅梗系泰菜，睇咗咁多间呢间装修及环境最舒服，餐厅亦做紧$1 优惠价换购到多一样嘢食或嘢饮，二话不说就确定去食。餐厅嘅$1优惠每日不同，只需要叫主餐牌内嘅一个项目加$1就可享受优惠。咁啱今日嘅系我钟意食嘅酸辣去骨凤爪沙律，当然要嗌返个嚟食吓。—————————酸辣去骨凤爪沙律，酸辣开胃，鸡爪肉很脆因无骨食起上嚟最方便，再配上洋葱及蕃茄等等嘅配菜，腌得很好又入味，唔算辣。———————————青柠辣椒明炉乌头鱼，鱼够大条，而且鱼肉肥美可口，配料又酸又辣，夹住鱼肉食非常惹味，停唔到口。—————————干炒喷靓咖哩海鲜，入面嘅海鲜有鱼肉，青口，鱿鱼，虾。个人最钟情呢款咖哩，唔辣，里头加入花生碎及椰奶，增添奶油般滑顺浓厚的口感及带有花生香气，本身叫咗蒜蓉包伴著一齐食，但太好味嘅关系实在唔系好想浪费个汁，嗌多碗白饭捞汁食。————————————饮品就叫咗椰青及龙眼冰，椰青清甜解渴，椰肉厚，不错。另外龙眼冰唔会太甜，龙眼肉亦多，够大杯。————————————系同区嚟讲总体感觉不错，价钱唔算贵，服务亦正常，落单上菜速度正常。