云手工火鍋店

营业中

休息中

趁未正式夏天前再打次边炉，环境干净舒服，又唔算多人，人多仲可以book VIP 房。火焰三椰鸡煲三椰原来系椰皇，椰青同海底椰。首先半只鸡同椰子海底椰落酒点火用牛油炒一炒封住肉汁，之后再加椰青水同椰皇水，鸡汤煮熟，咁多椰子系列够晒下火，唔惊热气。鸡肉有口感，都几新鲜👍自家制紫菜响铃睇落已知脆口，冇油溢味，浸完汤汁索晒鸡同椰子既清甜，紫菜味几出。牛肉拼盘(中)本地牛肉颈脊，安格斯有雪花嫩滑，牛舌6秒食得，牛胸爽甘香爽口，牛心掟同牛柳粒啖啖肉，整体质素都几高。手打虾滑 & 手打墨鱼滑新鲜打出黎鲜味爽口，虾味同墨鱼味都出。识嗌- 淮山养胃，蕃茄开胃， 酸梅汤有浸乌梅味好正。