影片
更多
2025-01-10
146 浏览
成日都觉得而家好多Cafe主力放咗喺饮品度，食物搞得唔系咁好，但今次呢间我觉得啲嘢食质素非常好㖞，而且仲要系亲民价，举例今日叫咗个全日早餐，最钟意就系佢冇肠仔烟肉呢啲junk food，材料都系健康选择，例如有一大堆藜麦沙律同埋牛油果，烧比目鱼都非常之香滑，同埋仲有两片酸种面包系有烘过嘅，最欣赏就系明太子蛋卷，比一般蛋卷口感丰富更多，成件事健康又满足。朋友食Combo，份量比想像中大，而且价钱非常合理，选择都好多，我就好欣赏佢个免治鸡肉饼，调味非常好，紫薯系冻食嘅，好香甜，茄子味道都好好，加咗$20配三只蒜香牛油鸡翼，佢开咗单骨，卖相非常讨好，炸完鸡肉都仲好嫩， $20真系好抵。如果觉得唔够食，可以加个甜品啦，佢呢个指明唔系鸡蛋仔，外型虽然好似，又真系唔系鸡蛋仔嚟㗎㖞，反而系一个揿扁咗嘅牛角包，我拣咗柚子味，配柚子雪糕同埋柚子酱汁再加埋一啲焦糖脆脆，全碟嘢嘅口感好丰富，配搭有软又硬又酸又甜，$88真系算好抵食。呢度静静地，最啱同girl friends一齐过嚟倾偈同埋食嘢，啲嘢食又够Light，唔怕食肥，坐得又舒服，仲可以打卡，最紧要价钱唔贵，每人$200左右就搞掂，赞！
朋友食Combo，份量比想像中大，而且价钱非常合理，选择都好多，我就好欣赏佢个免治鸡肉饼，调味非常好，紫薯系冻食嘅，好香甜，茄子味道都好好，加咗$20配三只蒜香牛油鸡翼，佢开咗单骨，卖相非常讨好，炸完鸡肉都仲好嫩， $20真系好抵。
如果觉得唔够食，可以加个甜品啦，佢呢个指明唔系鸡蛋仔，外型虽然好似，又真系唔系鸡蛋仔嚟㗎㖞，反而系一个揿扁咗嘅牛角包，我拣咗柚子味，配柚子雪糕同埋柚子酱汁再加埋一啲焦糖脆脆，全碟嘢嘅口感好丰富，配搭有软又硬又酸又甜，$88真系算好抵食。
呢度静静地，最啱同girl friends一齐过嚟倾偈同埋食嘢，啲嘢食又够Light，唔怕食肥，坐得又舒服，仲可以打卡，最紧要价钱唔贵，每人$200左右就搞掂，赞！
张贴
