Candies Foodies (已結業)

Candies foodies今日有個朋友生日飯，都搵左一陣，因為係有兩個門口都寫住華源大廈。好彩佢放左個餐牌係大廈門口，所以我就搵到喇。時間尚早，七點開始多人，好彩早到。朋友叫左龍蝦湯我就叫左磨菇黑松露湯，好有質感。因為有好多打碎左既磨菇咬，同埋黑松露都好濃郁。叫左個oreo沙冰，未試過。又幾有特式，一飲落去好似幾塊oreo打碎左咁，濃郁又冰凍，好味，無叫錯。最鐘意就係食粗薯條，仲要新鮮炸起熱辣辣，加黑松露蛋黃醬，所以唔肥膩。軟殼蟹扁意粉，呢個意粉係一啲都唔覺膩又唔會話食多幾條就制既感覺，非常好，唔會太重忌廉。所以意粉真心推介。朋友唔食羊架，我又唔食牛肉，最後揀左呢個，但我覺得揀岩左，因為佢個批既皮好似煎蛋皮咁，好得意，邊脆內軟，加埋蟹肉同火箭菜，新鮮好味。兩個人食得哂成塊都唔覺制。焦糖燉蛋，焦糖做得脆，但蛋可以再熱少少會更好味。最後埋單，每人都係二百幾，我已經食到好飽，好味，我應該會再黎。