JK Kitchen (已結業)

又黎揾食啦！每次系铜锣湾揾食都有一个烦恼，边到都咁多人，好难揾位，又逼，好难选择到又坐得舒服，又可以静静地倾下计既地方！今次拣左个有惊喜既地方呀！佢个logo设计好靓呀！门口既装修比人既感觉好舒服，唔似系铜锣湾闹市中！第一感觉已经好好！同朋友二个人黎，可以慢慢食野仲可以畅谈畅谈！生熟牛肉河-都几大碗下！份量都好足！第一啖当然试下个汤底先啦，清甜好有肉味既汤底！无味精，河粉质感系我钟意既，牛肉质素亦好高！加上芽菜同生洋葱，口感丰富，有多层次既口感同味道，全部放埋一齐好夹！牛肉决无hea你，就咁睇都知质素好！仲有二款不一样既牛肉！老板娘炒米-好野味，味道浓郁，炒得干爽，仲有彩椒，猪颈肉，葱，好香口，唔会太油，旁边既酸萝卜都好好味呀！我地仲加左个越南春卷，热辣辣，好脆味，入面既料好丰富，唔干身，有汁家，加上佢既酱汁，酸酸甜甜咁！仲好味，早知叫多条食啦！