影片
更多
2021-06-25
118 浏览
见系新店开张，加上系Open Rice 订位又有野送，就过咗黎试下。铺头位置唔算好难揾，行咗个圈就揾到啦。见到个门面logo，真系觉得几靓，几有文青嘅感觉。入到去被安排咗个窗边位，虽然外表系对住条马路，不时又有一条人龙等接驳巴士，但系佢因为系成口铺面系高咗半层楼，所以唔会被街嘅人睇到，加上舖头嘅布置被人嘅感觉都好舒服，所以成个人都好放松。入座之后，职员好热情咁简介咗个餐牌，话可以加+38做套餐，有多个汤同一杯$28蚊以下嘅饮品，转其他饮品可以半价计，话因为open rice 订位，所以可以送个班戟或炸鱼薯条。最后叫咗两个主菜，一个转咗做套餐。法式洋葱汤：事前有揾职员了解过，话呢个汤系将洋葱炒至焦糖色再去煮，唔会有刺鼻辣口嘅味道，相反系甜嘅，汤上会加上一块附上芝士嘅面包。第一啖饮落觉得唔错，有一股淡淡嘅肉桂同罗勒香，清清甜甜咁，个汤冇咩其他配料，除咗上面块面包之外，底下就系洋葱。饮嘅时候，加上一小块已经吸咗汤嘅面包同芝士，口感都几特别。面包应该系法式多士面包，虽然浸咗汤，但唔会化晒，加上味道比较浓郁嘅芝士去提味，整体都唔错。食唔到浓味嘅朋分建议可以一个汤两个人分。香蒜牛油烧虎虾扁意粉：一
铺头位置唔算好难揾，行咗个圈就揾到啦。
见到个门面logo，真系觉得几靓，几有文青嘅感觉。
入到去被安排咗个窗边位，虽然外表系对住条马路，不时又有一条人龙等接驳巴士，但系佢因为系成口铺面系高咗半层楼，所以唔会被街嘅人睇到，加上舖头嘅布置被人嘅感觉都好舒服，所以成个人都好放松。
入座之后，职员好热情咁简介咗个餐牌，话可以加+38做套餐，有多个汤同一杯$28蚊以下嘅饮品，转其他饮品可以半价计，话因为open rice 订位，所以可以送个班戟或炸鱼薯条。最后叫咗两个主菜，一个转咗做套餐。
法式洋葱汤
1 浏览
0 赞好
0 留言
法式洋葱汤：
事前有揾职员了解过，话呢个汤系将洋葱炒至焦糖色再去煮，唔会有刺鼻辣口嘅味道，相反系甜嘅，汤上会加上一块附上芝士嘅面包。第一啖饮落觉得唔错，有一股淡淡嘅肉桂同罗勒香，清清甜甜咁，个汤冇咩其他配料，除咗上面块面包之外，底下就系洋葱。饮嘅时候，加上一小块已经吸咗汤嘅面包同芝士，口感都几特别。面包应该系法式多士面包，虽然浸咗汤，但唔会化晒，加上味道比较浓郁嘅芝士去提味，整体都唔错。食唔到浓味嘅朋分建议可以一个汤两个人分。
香蒜牛油烧虎虾扁意粉
16 浏览
0 赞好
0 留言
香蒜牛油烧虎虾扁意粉：
一上黎就闻到好香蒜味，但食落蒜味又唔系好重。意粉干身得黎唔会话好硬，只虎虾都几大只，系另外烤煮嘅，有小小椒盐味，肉质鲜嫩。不过如果系钟意多汁或者系无肉不欢嘅朋友就唔好太建议食啦，呢个意粉比较清淡，只有一只虾同小小菇菌做配料。食得比较清或食量唔大嘅朋友可以试下。
芥末籽蜜糖烧猪仔脾意大利饭
6 浏览
0 赞好
0 留言
芥末籽蜜糖烧猪仔脾意大利饭：
呢个超级推荐！
猪仔脾腌得好入味，口味偏甜。因为烧过，肉质比较扎实，唔会好靭。个汁有好香嘅淡奶油味，唔会令人觉得好滞好腻。饭嘅湿度啱啱好，食落啲饭嘅口感系明显系一粒粒嘅，每粒米都被汁包裹住，食到最后都冇话有多余嘅汁可以见到。而最欣赏系佢啲饭唔系好硬身。对于消化能力比较弱同钟意食软饭嘅朋友黎讲，呢个意大利饭真系可以试下。
榛子朱古力香蕉士多啤梨忌廉法式班戟
2 浏览
0 赞好
0 留言
榛子朱古力 香蕉 士多啤梨 忌廉 法式班戟
（订座送的）
呢个系最稳阵嘅组合，好少会难食，正正常常啦。班戟中间入面有夹香蕉同榛子朱古力酱，系觉得士多啤梨少咗啲
整体黎讲，个人感觉十分好！会再度光顾。
主要系呢到成个环境气氛都好悠闲舒服，可能呢个商场人流唔多，所以都唔会话好嘈。想将节奏放慢，感觉悠闲嘅感觉，呢到系一个唔错嘅选择。
张贴
