Owens (砵蘭街)

营业中

休息中

两个女仔倾下计食下野呢间café 都系一个唔错嘅选择。店舖明亮简洁，长方形嘅铺面唔大，但都坐得舒服。一个Dinner Set ，再加个巴拿马火腿哈蜜瓜沙律同水牛城鸡翼，啱啱好。火腿同哈蜜瓜各4件，两个人食刚好每人可以食到两次，味道唔差。火腿系新腿，唔会好干，哈蜜瓜都几甜，冇其他酱汁。鸡翼上嘅酱汁都几多，唔会好辣，整体味道唔错。肉酱千层面上面有厚厚嘅芝士，好香。层数唔多，都系三四层。上层系肉酱，底层惊现以茄子为主嘅一层。个人还可以接受，仲觉得咁样唔会好腻。但唔系咁钟意食茄子嘅朋友就建议食其他啦。佢自家制嘅伯爵茶麻薯蛋糕好好食！外面嘅蛋糕虽然似戚风蛋糕咁，但口感松软，有淡淡茶香，中间嘅麻薯香滑软棉。整体用餐感受唔错，成个环境又唔会好嘈，同朋友慢慢咁倾下计。