WIRED CAFE (已結業)

平安夜想食简单啲又唔想太贵，拣间坐得舒服的cafe都系另一个好选择!由于一早喺openrice订左枱, 可以以优惠价享用圣誔套餐。餐汤有好香的蚬味。呢个前菜好好味，啲汁好浓郁，牛肉好野味，配份好香的牛油方包，应该系丹麦方包。配搭好好第一份主菜虎虾烧得好香，啲忌廉饭又唔怕油腻。鹅肝细细旧，唔洗担心会好油腻。肉眼扒有蜜糖味道，感觉好似BBQ甘，虽然都好食，但如果再锁住多啲肉汁就更好啦。反而个蒜头粒好香，配牛好衬。当我地仲未食主菜，个甜品已经上左，由于个煎pan仲好热，相信系岩岩煎好的pancake，但系个cream就好快溶晒 ，搞到我地食到好急。虽然热辣辣上系好事，但甘样反而用多左油同埋啲cream会好快溶。餐饮拣左sangria，一开始唔知系咩，都系谂住试下。味道又OK㖞，类似水果酒，好岩女仔饮。间cafe环境几好架，好岩年轻情侣黎食。