凱逸餐室

营业中

休息中

元朗真系好多好野食，今日自己经过依头，谂住简简单单揾间餐厅食个晚饭，估唔到都几好食！首先个环境真系几宽敞，坐得好舒服！一睇餐牌先发现选择真系好多，小菜、铁板餐、煲仔饭都有！我就拣咗个铁板啫啫蜜椒薯仔牛柳粒（$72），加$12配埋饭同例汤。依个真系好好食！牛柳粒煮得岩岩好，一啲都唔难咬，够松软。调味方面个蜜糖汁好正，同牛柳粒、三色椒、薯仔都好夹。送饭真系一流！另外仲劲邪恶咁跟餐半价加左个奶茶红豆冰，个红豆煮到劲林，好似红豆蓉咁，加埋港式奶茶真系好好饮。依到好得意仲有埋好立克阿华田红豆冰，下次黎食要试埋！