Y Pasta

沙田大商场啲食肆好多都限时，好多时约朋友倾计 去到咁上下又被人赶 好唔尽兴。呢度唔赶人 食物又高质，我成日约朋友都钟意黎呢度。weekend都有brunch menu，有汤有个main再包埋饮品，几丰富见唔贵，我同朋友加钱要咗个忌廉龙虾汤同忌廉黑松露野菌汤，入口觉得无加错，两款汤都好浓好香， 不过建议饮咗龙虾汤先， 黑松露味太抢同埋野菌汤比较咸。龙虾汤个味相较之下比较mild, 饮先会比较饮到龙虾鲜味波士顿龙虾忌廉浓汁扁意粉卖相好靓， 半边龙虾都有唔少膏 仲有多只去咗壳嘅龙虾钳仔 另外个意粉汁食到有啲微辣，反而更加惹味开胃，好好嘅balance同龙虾肉好衬 又有几只 蕃茄仔可以食到一半refresh味觉烧烤酱慢烤美国猪肋骨一落刀发现出奇地淋， 基本上轻轻一拨啲肉都会喺骨度甩出嚟 而且调味好足味虽然佢另外仲有一兜烧汁，但系我哋无点，本身都够重口味了😂培茶栗子巴斯克芝士蛋糕上面𠮶pek栗子蓉好好食！白色cream都好香，如果食完main都唔够饱就要叫埋呢个，十级饱肚嘅巴斯克cheesecake🤣