Coffeelin (陸海通大廈)

营业中

休息中

今日咁啱喺中环做完野，就即刻打俾喺中环返工嘅朋友，睇吓佢有冇约人食饭，佢话冇约人食饭，但系就只有刚刚好嘅一个钟食饭，于是我就早少少12点去到攞位，呢个时候其实已经有一半嘅位置俾人坐咗，不过都难怪嘅，呢度有做lunch set，百零蚊就有沙律或，主菜同埋咖啡。我地今日要左青酱蘑菇马铃薯丸子同地中海鳀鱼酱意粉配大虾及鱿鱼。沙律就大家都系拣咗cesar salad，饮品就要左cappuccino。首先我要讲个沙律好清新，加埋啲croutons好新鲜，真系脆口嘅，连芝士丝同bacon都有埋，bacon仲要整到超crispy！杯咖啡亦都好香浓，加埋呢度有得要soy milk，所以啱晒我呢啲钟意饮植物奶嘅人。gnocci嘅口感适中，够烟靭，加埋pesto酱一齐食真系好过瘾，识落更加有一阵浓浓嘅牛油味。另外个pasta都有惊喜，冇谂过会有咁多鱿鱼，而且大虾都好大只！