Zakka (已結業)

今日（17-8-2019 Sat）晏昼同老公，爸爸朋友出铜锣湾睇notebook，然后行埋街，行完揾个地方坐吓食吓，老公记得珠城大厦有好多食肆，于是走嚟睇吓，我哋见到呢间，我被佢嘅梳乎厘吸引，但睇价钱唔平，而行入去系好大间嘅大家乐，我唔想食红豆冰，咁就呢间啦。我哋坐低，店员拎menu嚟时，都讲声出去买嘢食。我哋决定要两杯$18.00嘅热抹茶鲜奶，一杯$36.00嘅冻抹茶鲜奶，同甜品。1.热抹茶鲜奶抹茶同奶味都有，茶味甘甘地，成杯唔太甜。2. 冻抹茶鲜奶老公饮嘅，由于我哋环保唔攞饮管饮，又冇长茶匙俾客人攞嚟用，我就只饮到上面嘅奶。3.$58.00半份窝夫红莓雪糕窝夫热腾腾卜卜脆，好味。雪糕系榛子味，味道唔太浓，红莓雪到好冰冻，好刺激。4.$78.00嘅梳乎厘班戟牛乳雪糕呢个系耐少少至嚟，班戟松软，蛋味好浓，同样好味。雪糕系云呢拿味。