JK Kitchen (已結業)

登龙街有好多嘢食，呢间要上楼，好易被人忽略，加上今日星期一，同友人几个静静地舒舒服服咁坐到人哋要闩门。小食拼盘，虽然我唔食虾，只系食咗春卷同鸡翼，我觉得调味唔错，春卷话系舖头自己包嘅，我唔知有咩饀，但口感几好，鸡肉又够滑，而且都系新鲜炸起嘅。个生牛河呢，个汤味道OK，饮完唔觉口干，河粉又好"雪"，牛肉肉质都唔错，唔韧。整体来讲，整餐饭食得好高兴，倾得好开心，挂住倾都唔知几点，坐咗成晚都无被人催埋单。