影片
更多
2023-10-20
1775 浏览
黎到荃湾嘅市中心想打边炉但见到大鸿辉中心要排队条龙 有啲却步于是就去咗隔离嘅千色汇入边有间日式嘅任食火锅毫不犹豫就入咗去啦同其他餐厅一样都系以牛肉嘅等级黎分价钱有美国嘅牛肉，亦都有日本嘅和牛丰俭由人咁我就拣咗中间嘅等级美国IBP牛板腱 套餐加钱配咗麻辣鸭血汤底 同埋博多美人骨胶原鸡汤 麻辣鸭血汤底入边 系真系有鸭血嘅而鸭血亦都唔腥 非常之弹牙骨胶原鸡汤 望住牛魔个公仔慢慢咁溶化之后就系好胶嘅白色汤底 充满胶质亦都好浓厚嘅鸡汤味呢度系有得选择一人一锅定还是一个大锅嘅非常之有弹性一人一锅嘅好处就系可以试多啲唔同嘅汤底点样汤底之后 就可以出去自助区度攞嘢食啦呢度有齐晒火锅配料 饮品甜品 雪糕同埋酱料最特别嘅系 呢度嘅饮品 唔系剩系得支装罐装饮品 佢有鲜果汁同埋沙冰 当然如果加钱另叫仲有啤酒选择 饮品比坊间嘅火锅店，更加多选择同出色 火锅配料放喺个大雪柜个雪柜冻到系见到出晒烟嘅 保持新鲜同卫生 呢度最特别嘅配料就系有苦瓜 我都系第一次打边炉用苦瓜 食落甘苦另外仲有豆皮结 衬晒麻辣汤底 丸类除咗大路嘅牛丸，猪肉丸，墨鱼丸，龙虾丸 仲有我最爱嘅薯来宝 即系鱼蛋包住年糕除咗火锅配料，亦另外亦都有沙
但见到大鸿辉中心要排队条龙 有啲却步
于是就去咗隔离嘅千色汇
入边有间日式嘅任食火锅
毫不犹豫就入咗去啦
同其他餐厅一样都系以牛肉嘅等级黎分价钱
有美国嘅牛肉，亦都有日本嘅和牛丰俭由人
咁我就拣咗中间嘅等级
美国IBP牛板腱 套餐
加钱配咗麻辣鸭血汤底 同埋博多美人骨胶原鸡汤
麻辣鸭血汤底入边 系真系有鸭血嘅
而鸭血亦都唔腥 非常之弹牙
骨胶原鸡汤 望住牛魔个公仔慢慢咁溶化
之后就系好胶嘅白色汤底 充满胶质
亦都好浓厚嘅鸡汤味
呢度系有得选择一人一锅定还是一个大锅嘅非常之有弹性
一人一锅嘅好处就系可以试多啲唔同嘅汤底
点样汤底之后 就可以出去自助区度攞嘢食啦
呢度有齐晒火锅配料 饮品甜品 雪糕同埋酱料
最特别嘅系 呢度嘅饮品 唔系剩系得支装罐装饮品 佢有鲜果汁同埋沙冰 当然如果加钱另叫仲有啤酒选择 饮品比坊间嘅火锅店，更加多选择同出色
火锅配料放喺个大雪柜个雪柜冻到系见到出晒烟嘅 保持新鲜同卫生 呢度最特别嘅配料就系有苦瓜 我都系第一次打边炉用苦瓜 食落甘苦
另外仲有豆皮结 衬晒麻辣汤底
丸类除咗大路嘅牛丸，猪肉丸，墨鱼丸，龙虾丸 仲有我最爱嘅薯来宝 即系鱼蛋包住年糕
除咗火锅配料，亦另外亦都有沙律区
有味付螺肉 中华沙律 泡菜 西式沙律 甚至有三文鱼寿司
旁边嘅甜品区亦都有一啲日式果子
蛋糕 芒果布甸
除咗自助区嘅配 另外亦都可以QR code落单
QR code落单，就会有海鲜 同埋肉类 除咗牛肉 亦都有猪肉鸡肉同羊肉
第一碟上嘅牛肉 花纹非常之靓
轻轻灼一灼 小小粉红就食得
又淋又有肉味 就算中等嘅牛肉等级
已经非常收货
呢度仲有牛舌
又系其他火锅店比较少有嘅item
切得够薄 渌完之后 咬落去有啲弹性
又唔会话好韧咬唔开咁
试咗一碟羊肉 佢唔会太多脂肪
食落有羊骚味得黎 又唔会话非常之劲
系大众都食到嘅羊肉
我哋亦都叫咗另一款美国牛肩胛黎对比下
虽然牛扒冇咁靓
但佢嘅牛味系再重一啲嘅
海鲜试咗青口同鱿鱼仔
青口系冇沙嘅
离左壳之后都啖啖肉
咬落去有少少咸味
鱿鱼仔渌完之后就好烟靭
又唔会话硬到咬唔开
个鱿鱼筒会有少少汤汁兜住
好衬打边炉
最后食杯软雪糕作结
呢度坐得舒服 唔使迫
楼底高冷气大
食完唔会话件衫一阵味
好值得下次再嚟
张贴
