臨記車仔麵 (已結業)

肚仔又有啲饿，谂紧想食咩，突然谂起有朋友介绍话呢度有间车仔面铺头几好食，所以就去试吓啦。谂返起我都有好多年冇食过车仔面，车仔面比我嘅印象系大件夹抵食，一定饱肚，味道就一般般，但食过呢间车仔面之后，我就对车仔面嘅印象就完全改观，因为都有好好味嘅车仔面食嘅。首先讲讲呢间店嘅环境，光猛同干净而且有冷气可以坐得好舒服咁慢慢食，而且仲有好多配菜拣，汤底都有几款可以选择、最窝心系有时太多配菜好难拣唔知食乜𩠌好，佢就会有几个精选配搭，配埋𩠌同汤底比你，等你唔使谂食咩，我一见到就立即拣咗佢个A2叫化骨龙嘅车仔面食，个名好得意。个车仔面可以话系色香味俱全，碗面好香，卖相丰富，我觉得个米线好吸收个汤底味，值得推荐下秘制猪软骨同自家制鲜竹卷，好好食，对于我来讲个咖喱汤有少少辣，唔食得辣嘅友可能唔太啱，因为真系有啲辣，但系辣得都好好味，总结来讲呢间车仔面好好食，可以再嚟食多几次😊