Lilium

营业中

休息中

得到好友两肋插刀，所以今日请她食下午茶。店子环境整齐企理，单人座前有一行大窗，望住出面嘅绿叶，好舒服。我跟朋友坐在长梳化座，都好舒适。有早餐、全日午餐、下午茶、小食和饮品选择，价格经济实惠。点咗全日午餐嘅鲷鱼卤肉转新竹米粉（$78），几有份量！新竹米粉好爽滑，伴半肥瘦嘅卤肉食，味道咸香。鲷鱼都几入味，啖啖肉，不错！另有两条清爽嘅棠生菜和半只靓仔嘅溏心蛋，足料！套餐可追加小食，肉燥伴A菜（+$19）系翠绿嘅油麦菜配咸香少辣嘅肉燥，好夹！肉燥好好味，够入味！朋友好想食邪恶嘅西多士，要咗份紫薯酱西多士（$30）。全件金金黄黄，加埋糖酱和牛油，好香。多士有蛋香，外微脆内软熟，一切开就见到满满紫薯酱，香甜幼滑，得！再点份小食，两条贵妃鸡卷($48) 以香酥嘅薄皮卷住嫩滑鸡肉，啖啖肉，滋味！所有特饮都售罄，呜….只好要杯浓郁嘅柠檬茶（$0/跟餐），解下腻！朋友就要杯冬瓜茶（$0/跟餐），微甜顺喉。