DKLM Bar & Restaurant (已結業)

本来谂住去诺士佛台饮嘢，但行过金巴利道果又望到间几得意嘅酒吧，就胆粗粗上左去试。一坐低就即刻有虾条送上。酒吧嘅座位其实都几阔落，又舒适，好适合一班人上黎坐低倾计。蜜糖香烧鸡翼外皮烧得香脆，鸡肉亦唔会太干。调味做得唔错，食落有阵香甜嘅蜜糖味。Secert Garden以沙冰为底，入面加入云呢拿毡酒、柠檬汁、糖浆同蛋白，饮落会有云呢拿味，又唔会重酒精味，颇为清新。Pina Colada美国安格斯牛肉迷你汉堡 伴车打芝士及松露薯条迷你汉堡嘅份量比想像中大，唔会系一两啖就食得晒。 汉堡嘅材料丰富，而且汉堡扒多汁又好重牛肉味。黑松露巴马火腿薄饼伴火箭菜类似出面食到嘅手工pizza薄饼，而且系即制嘅。 薄饼底同边同样香脆，又同上面嘅配料嘅味道好配合。酒吧其实仲有桌球同Beer pong 玩，但我地得两个人，又志在上黎食下野，所以下次再试。