Pause It (已搬遷) 新店位置

今日同朋友约左食饭，想食好野又想倾下计，就拣左呢间cafe，成日行过都见倒要排队。餐厅装修简约，以白色为主，有大窗渗入自然光，成个环境都好舒服。餐厅主打咖啡，所以食品既种类唔算太多，不过都有齐小食、沙律、意粉，意大利饭同甜品。饮品都唔只得咖啡，大热既紫薯鲜奶都有，仲有其他梳打类冻饮。黎cafe一定要试咖啡，叫左杯latte，拉花好靓咖啡好香，而奶同咖啡既比例都岩岩好好小喺街见倒有洛神花既饮品，呢杯系洛神花青柠梳打，饮落酸酸甜甜，夏天饮就岩哂！朋友话想健康啲就拣左个cobb salad，材料好丰富，有鸡肉、牛油果、粟米同烟肉等。酱汁系千岛酱但带有小小辣味，好开胃。必叫既绝对系All day breakfast，贪佢咩都有，满足我呢啲咩都想食既人！炒蛋够哂滑，烟肉煎到好香脆，炒杂菇食落仲好juicy，样样都带到食物既原味道！最后为左饱肚就要左个牛油果鸡肉意大利饭，有提供一小块柠檬，可以唧柠檬汁令味道更清新。饭既酱汁好特别，唔系大多餐厅用既忌廉汁，似系牛油果汁，带有草清味