彤粵菜小館 (已結業)

之前试过佢哋既午市套餐，觉得食物同环境都唔错，所以星期日就带埋屋企人一齐再去试佢哋既晚餐我哋6点半到，已有两枱客，香港人越来越早食饭🤣，我哋一行4人，点左两个杏汁猪肺炖汤，而家做紧买一送一，好抵饮👍🏻，炖汤依然同之前一样咁足料👍🏻杏汁味道刚刚好，唔会太浓烈盖晒啲味道。点左两个前菜，紫姜皮蛋同咸蛋炸鱼皮，主菜就叫左咕噜肉、乳鸽、蟹肉粉丝煲同蒜蓉炒菜芯，前菜既鱼皮好嘢味，主菜既咕噜肉依然同上次午餐一样咁好味，外脆内软好juice蟹肉粉丝煲个粉丝做得好干身味道不错，不过如果蟹肉多啲就更好🤣，乳鸽同菜都系大路野最后甜左两个甜品蔗汁糕同芝麻糕，个蔗汁好特别，第一次食，好香蔗汁味同埋唔太甜，啱晒唔喜欢甜既我🤣，芝麻糕好香芝麻味，卖相味道都好得，阿囡话啱晒打卡🤣。我哋一家人慢慢食慢慢倾，成晚唔使赶，坐到10点😅舒舒服服食咗一顿Sunday Dinner 👏🏻 妈咪话下次可以再去😎