大山日本料理

营业中

休息中

今日同队友黎左旺角呢间居酒屋食左个早饭，都坐得几舒服，有好多清酒，同日式摆设，都几有FEEL，食物方面都几多选择，有寿司，窝物，烧物等。三五知己约埋上黎倾下计饮返杯都唔错。 我地叫左四样野食，埋单都唔使三百蚊，相当抵食。三文鱼海胆饭配味噌汤-有两旧海胆加紫苏叶，海胆系加拿大胆size, 三文鱼虽然唔算厚切但都几多块，都几足料。豚肉泡菜锅-个锅入面都几多豚肉，仲有豆腐，金菇，冬菇，泡菜同芋丝，出面咁冻饮埋汤成个人暖晒。天妇罗乌冬-本身系拉面，呢度好好，转乌冬唔使加钱，天妇罗有两只虾，一件南瓜，一件茄子，同埋一件青椒。汤乌冬有紫菜，木耳丝，粟米，同我最爱既原只调味糖心蛋。香草烧鸡翼-一共有三只，即叫即烧，烧得几香口干身，个皮仲脆既添。