樓上Cafe

营业中

休息中

自从搬咗嚟大围之后就一直喺附近揾食。难得今日得闲，就当逛街到楼上间cafe饮嘢。首先要赞嘅系佢嘅环境空间阔落，冷气充足，加上人流唔多，俾人的感觉非常之舒适。我们两人要咗一杯玫瑰鲜奶咖啡，一杯朱古力咖啡，再外卖一个日式咖喱鸡肉批拎走。杯玫瑰鲜奶咖啡有非常浓郁的玫瑰味道，但系对我来讲稍为甜咗啲，早知就嗌少甜。至于杯朱古力咖啡就一般般，叫做不过不失。咖哩鸡批带咗返屋企食。呢个咖喱鸡批比平时买嘅鸡批大成一倍，当然价钱亦都反映咗出嚟。鸡批单价每个$33，因为系同饮品一齐买的，所以当系套餐价钱，减咗$6，所以算系还可以。咖喱嘅味道不算太浓郁，但系我一向钟意食咖喱，所以亦都对个批十分满意。个批嘅酥皮做得香脆，热辣辣食落口甚有满足感。虽然呢间楼上咖啡嘅地点唔系好就脚，但系都喺个值得停下步伐休息一下嘅地方。