Sky726

晚上要喺旺角拣个可以 book 位又冇限时嘅餐厅唔容易，拣左呢间sky726睇落comment都几好，又可以饮cocktail同姊妹谈心 ❤️值得一提嘅系，呢间餐厅嘅menu前半部系正常，后半部系全素食，无论前菜，汤，主菜，甜品，都有多个选择，非常跟得贴潮流。通常唔系专门食素嘅餐厅系唔会有咁多选择，而且只会喺素食嘅菜式旁边整棵菜嘅公仔标示，唔会有个full menu, 所以呢度绝对系素食者friendly。半打生蚝，好耐冇食，鲜甜！正！羊架好香好嫩。有得拣四件或六件。手工意粉几好食，有菇菌，辣肉肠同芝士片，几钟意佢个调味刚好，有芝士但唔漏。Kaffir and lemongrass cocktail 我几钟意呢杯cocktail,酒味唔会太重，香茉好清新。见每枱好似都有个小蜡烛。要左份chocolate fireball甜品, 有得玩有得食。侍应会即刻淋冧酒上去再点火，大概十零秒个火就熄同埋个朱古力脆皮会溶，露出脆皮里面嘅brownie同雪糕。略嫌冧酒太多，搞到个brownie有啲被酒盖住左味道。成餐饭价钱唔算话好抵，但食物质素颇高，加埋个地理位置方便，楼层够高街景几靓，都觉得值得再嚟。