Le Soleil

营业中

休息中

是日约埋屋企人一齐去食个tea，杂志见到好似几吸引，就早早打去book 位啦。本身自己都钟意食越南菜，只系囡囡对虾有敏感，所以叫下午茶餐之余都叫多个牛肉金边粉佢食，食得好滋味😍。本人亦觉得个金边粉系出色过个下午茶套餐，虽然$138系有些少贵。生牛肉两片，熟牛两片，牛丸一粒，碗粉嘅size 同去翠华食一碗鱼蛋米差唔多大。下午茶套餐有五款小食六款甜品两杯饮品，全部都系好味嘅，不过无特别惊喜。顺带一提，唔知餐厅系咪跟越式service 呢？我哋同埋隔离台啲客人不停举手嗌佢哋，佢哋睇到都扮睇唔到！连嗌埋单都起码叫咗十分钟……总括嚟讲，环境好舒适，服务就有待改善。