亞蘇爾 (形點) (已結業)

Yoho Mall 开左好多餐厅，知道有间系食葡国菜，好耐无去过澳门，所以去食下，回味一翻～呢到环境装修都几特别，好舒适。去澳门就当然要食葡挞啦，点左焦糖葡挞，外皮松脆焦糖面好惹味。辣肉肠松露芝士猪扒包，猪扒肉质松软结合芝士松露配搭一流。马介休薯仔球外面脆脆地，入面软淋淋，仲有芝士酱，配上两款酱汁，辣辣地既蕃茄干，仲有酸酸甜甜的沙律汁。椰香鸡鸡肉都几嫩滑，有浓浓既椰香味。荔枝味沙冰味道清新。同埋呢到既服务员态度十分有礼貌。