金船長餐廳 (已結業)

去到金船长，就发觉平日黎讲，booking都好full下，密密都有人入紧黎。咁废话唔多讲，就梗系点野食啦。一黎就叫左个得奖招牌嘅黑松露薄饼，呢个得哂奖，点都要试一试！一上枱嘅时候，已经有非常浓烈嘅黑松露味飞过黎。咁系食嘅时候仲有3种唔同食法，其中配醋嘅食法系最吸引我，不过整体黎讲都系非常特别嘅一道菜。之后黎左个海鲜杂果沙律，呢个沙律一上菜嘅时候就已经吓亲人，因为估唔到个份量有咁多。而且当中嘅生果系鲜甜多汁的。不过海鲜我就冇食到，实质系点就唔知，不过睇落都系非常新鲜！最后仲叫左个肉眼牛扒七成熟配黑椒汁。切落嘅时候见到的确系七成熟，食落都好软熟，唯一系汁方面略咸。不过，配菜同牛扒整体黎讲都系非常出色的。