紫荊閣 (已結業)

酒店内嘅小菜系乜嘢质素呢？我今日就特地嚟试下。位于红磡酒店内，装修环境非常之新净，而且人就唔算好多，服务员好足够，不是服务员仲会添茶，依家真系好小可以做到。今日点左三个常见嘅小菜，第一个仔西柠鸡，其实平时就好少食呢一个，但系今日就想酸酸，开胃啲又唔想食咕噜肉。所以就点左呢一个。佢嘅西柠汁做得十分之唔错，酸酸甜甜，还带点柠檬嘅清香。但我就略嫌啲鸡件可能有细件咗，如果可以大件d，咁样肉嘅质感会更加有咬口。另外就叫咗椒盐鲜鱿，好少出错嘅一个送。食落爽口，不油。椒盐香而不辣。份量都不小，几抵食。仲有呢一个系我好钟意点嘅𩠌，但系除咗上海嘅餐厅以外好少餐厅会做嘅金华火腿津白。感觉呢个菜会冇咁油腻，而且金华火腿嘅香同埋佢嘅汁嘅鲜味一流。系呢一度食同埋喺餐厅食嘅菜式可能分别唔大，但系呢一度嘅环境来讲系非常之舒服嘅，而且佢嘅味道真系唔错。