古早味原住台灣 (已結業)

可能我平时食开嘅台湾菜都系小店，一般装修都唔会太讲究，但呢间餐厅真系令我喜出望外，真正嘅「蔗渣价钱，烧鹅味道」。一入到黎已经比佢哋装修同环境吸引住，装修系我最钟意嘅蓝色，同埋有好舒服既卡座，净系环境都已经加晒分！食物方面我同男朋友叫咗鸭肉冬粉、丰收饭、蚵仔酥、仲有个糖醋肌里肉。冬粉其实同粉丝个口感有啲似，但系就硬身少少，食落有口感，亦都吸收左啲汤既精华。丰收饭有好多𩠌，包括牛展、卤水蛋、腩肉、鲭鱼同埋台湾肠，啱晒为食嘅朋友仔！蚵仔稣比较特别，出面嘅台湾餐厅好少见到，不错！最后就系糖醋肌里肉，酸酸甜甜送饭好开胃！