Su Casa (已搬遷) 新店位置

今日同老婆去左石门揾食，京瑞一二期都有好多食肆，到最后拣左呢间西餐厅。老婆独爱既云石枱面，而且座位都几舒服。菠萝有机奇亚籽绿茶，清甜够哂解暑，又有健康既奇亚籽。招牌蚝汤，整溶哂啲蚝肉，卖相似蘑菇汤，饮落有超浓既蚝味。脆炸黄金软壳蟹，热辣辣既软壳蟹好香，再有层香脆既炸皮，极邪恶！炭烧纽西兰肉眼，5成熟既肉够哂腍同好够肉味，完全唔洗点酱都好好味。鸭肝野菌扁意粉，啲白汁完全上哂喺意粉到，每啖都有浓浓既白汁。朱古力心太软配雪糕，即焗所以好热，入面朱古力酱冒住白烟咁流出黎。