AnyMomentCafé

营业中

休息中

星期六出到旺角，条街鬼咁多人，又热，朋友提议揾间楼上cafe坐吓，倾吓计。上网揾吓有咩介绍，就揾到呢间，不过个大厦入口真心有d难揾，揾到差d想转场，揾第间算数，好彩最后揾到，无转场，因为真心钟意呢间cafe嘅氛围。🗺讲返cafe嘅位置，原来要喺弥敦道与砵兰街中间嘅小巷行入去先会见到大厦入口。最初只系沿登打士街行，揾极都揾唔到36号，以为自己去左结界。🤣☕餐厅氛围有咩咁好呢？我同朋友第一次上嚟，但侍应(其实都系厨师，仲可能系老板😂)已经视我们如熟客一样，同我地有讲有笑。其实唔只我地，cafe今日都几full，佢每一枱都会行埋去同客人倾计，教玩broad game等，整间cafe就充满著和谐开心嘅气氛。🥰餐厅食物质素亦都唔错，我地叫小食为主，🔸️杂锦并盘: 有卤水鸡翼、春卷、咖哩角。鸡翼大大只又够入味。🔸️墨鱼卷拼芝士丸 : 墨鱼卷配泰式辣酱味道唔错；芝士丸有爆酱芝士，记住要衬热食。🔸️秘制咖哩鸡配法包:法包唔系几够香脆，但搭配咖哩汁/鸡肉食又几好味，鸡肉都几滑，最特别系面层洒有咖哩粉，令入口味道更香。🔸️士多啤梨奇异果沙冰: 微酸，奇异果味较特突出🔸️薄荷柠檬花茶: 颜色好靓，仲可以添饮♟呢度仲有