JK Kitchen (已結業)

繁忙嘅八月終於過咗喇，係時候揾啲好嘢慰勞下自己。公司附近本來有好幾間好味食肆，最近都不敵昂貴租金關門了，其中一間便是我喜愛嘅越南餐廳。好耐無食越南嘢喇，經過登龍街見有呢間喎，就去試試佢！餐廳係樓上鋪，裝修清新雅緻，環境舒服，有家嘅感覺。先睇睇餐牌，種類繁多，但我一個都唔試得幾多，就叫我最愛嘅湯河啦，咁就叫JK Kitchen 湯河貪佢乜都有，其實我估似係平時嘅火車頭咁，我改了檬粉，好大碗上面鋪滿餸，湯嘅顏色比較深，好濃郁有牛骨湯嘅味道，餸有生牛肉，牛腩，扎肉同雞絲，生牛肉上枱時仲係粉紅色，用熱湯燙一燙就啱啱好，入口好嫩滑，好有牛肉味，唔係平價火鍋牛肉貨色，牛腩薄切，肉質仲好軟唔會嚡口，味道香濃，扎肉質地唔會削，幾好味，雞絲肉質細嫩，有鮮味，還有侍應細心送上青檸同金不換，加埋落去令整碗湯檬生色不少，味道提升我仲加咗兩串牛肉串燒，加咗三色椒同黑椒，清新又好味！好掛住响越南飲過嘅滴漏咖啡，咁就梗係叫杯嚟止止癮啦，咖啡入口都幾濃厚，唔會因凍飲加冰而溝淡，加埋煉奶香甜，真係好醒神是日老闆娘都嚟咗巡視業務，見佢會問下客人意見，可見係有心做好盤生意嘅，希望樓上鋪都生意蒸蒸日上，等我隨時都可以食到ph