下江南

营业中

休息中

到M+艺术馆参观之后想系西九文化区食啲野，就揾到呢间系故宫博物馆入面嘅中餐厅。入到俾佢嘅室内设计吸引，餐厅装潢系木系x中式风格，俾人感觉好舒适。同朋友望一望餐牌，大部分菜式都好吸引。最后嗌咗火薰玉莲鸭子面同雪菜大排面。花雕醉鸡+四喜烤夫+火薰玉莲鸭子面$178花雕醉鸡鲜嫩入味，四喜烤夫食落有少少似卤水豆腐。最最最令人惊喜嘅系鸭子面，上面嘅干葱抄得好香，连汤入面都有香葱味。鸭件好食，钟意佢嘅手工面，较软身但唔淋。夫妇肺片+盐水鸭+雪菜大排面 $158盐水鸭味道相对较清淡，比较健康。夫妇肺片麻辣味好香，但食落又唔太辣，适合平时食开小辣嘅朋友。另外大排面嘅汤底浓郁，钟意佢香口嘅炸大牌肉，值得一试驴打滚由糯米同红豆整成嘅甜品，食物有啲似红豆煎饼，烟烟靭靭，有嚼口，值得一试。