FAMA (已結業)

平日晚餐时间唔使等位，入门左手边点餐右边自助水吧，点完餐后揾位坐定定等无线牌响机就攞得。呢度岩晒一家大细，三两个倾下计睇下书玩夹公仔都唔错。我叫左原只软壳蟹炸鱼汉堡配薯条，10吋巴马火腿pizza，粉红西柚梳打。炸鱼汉堡仲长过我手掌，入面有白酱同生菜平衡返炸鱼既油腻，原只软壳蟹非常香口，薯条都唔错唔会硬掘掘。而pizza采用薄脆底，就算得2个人share 食都唔惊会济住济住。粉红西柚梳打唔止样靓，饮落酸酸地好开胃。总括今餐几好唔错，之后会再去试埋其他菜式，而环境舒适加左唔少分，因为工厦关系地方大唔使坐到迫一迫。