影片
更多
2023-11-07
89 浏览
🔸Makuma🔸🔆今次又翻黎荔枝角，食一间开左几个月嘅西日餐厅。一入去气氛好舒服，明明唔系星期五食，但我同朋友都以为系星期五，好想一直吹水吹落去。🤣🔆酥脆准山条。明太子。美乃滋 $78可能食惯左薯条，我个人唔系好接受到炸准山条，一入口个下准山味唔算好重，食落好爽口，咬咬下准山嘅滑潺潺口感会出左黎。但真系我个人唔系好接受到准山，所以要点好多明太子美乃滋先handle到😗。但！中意准山嘅朋友仔，可以一试呀!🔆日式玉子烧。明太子。美乃滋 $78依个好好食！玉子系甜玉子，佢面头有一层薄薄嘅焦糖，玉子口感嫩滑唔会又干又鞋。食落好似食紧焦糖嫩蛋嘅味。再加埋又再次出场嘅明太子美乃滋，令玉子唔会一味得个甜字，带番出少少明太子的咸香。🔆角切油甘鱼酱油渍。三文鱼子椰菜花米丼 $128油甘鱼份量好多，渍油甘鱼自身已带有微微酱油味，油甘鱼自身甘香新鲜，加埋三文鱼子每粒鱼油嘅鱼油咸味，好适合配埋无咩味道嘅椰菜花米，好食！而且椰菜花米真系好适合我依啲口讲要减肥但又好想出去食饭嘅人🥹。🔆蝶豆花芒果乳酪梳打 $48上枱个阵系好靓咁分开左2层色，啱哂大家打卡。饮落芒果味唔系太浓，乳酪味强烈好多。🔆士多啤梨柠檬梳打 $4
🔆今次又翻黎荔枝角，食一间开左几个月嘅西日餐厅。一入去气氛好舒服，明明唔系星期五食，但我同朋友都以为系星期五，好想一直吹水吹落去。🤣
🔆酥脆准山条。明太子。美乃滋 $78
可能食惯左薯条，我个人唔系好接受到炸准山条，一入口个下准山味唔算好重，食落好爽口，咬咬下准山嘅滑潺潺口感会出左黎。但真系我个人唔系好接受到准山，所以要点好多明太子美乃滋先handle到😗。但！中意准山嘅朋友仔，可以一试呀!
🔆日式玉子烧。明太子。美乃滋 $78
依个好好食！玉子系甜玉子，佢面头有一层薄薄嘅焦糖，玉子口感嫩滑唔会又干又鞋。食落好似食紧焦糖嫩蛋嘅味。再加埋又再次出场嘅明太子美乃滋，令玉子唔会一味得个甜字，带番出少少明太子的咸香。
🔆角切油甘鱼酱油渍。三文鱼子椰菜花米丼 $128
油甘鱼份量好多，渍油甘鱼自身已带有微微酱油味，油甘鱼自身甘香新鲜，加埋三文鱼子每粒鱼油嘅鱼油咸味，好适合配埋无咩味道嘅椰菜花米，好食！而且椰菜花米真系好适合我依啲口讲要减肥但又好想出去食饭嘅人🥹。
🔆蝶豆花芒果乳酪梳打 $48
上枱个阵系好靓咁分开左2层色，啱哂大家打卡。饮落芒果味唔系太浓，乳酪味强烈好多。
🔆士多啤梨柠檬梳打 $48
士多啤梨同柠檬味道都各有千秋，饮落酸酸甜甜，重点系佢超多士多啤梨粒粒，可以一路饮一路食到好多士多啤梨。
🔆抹茶窝夫‧麻糬‧红豆‧黑糖酱 $128
上到枱就见到依张大棉胎麻糬系啲窝夫面头，仲非常烟韧。窝夫一共有4块，烘到外脆内软，唔会有奇怪发粉味。一入口嘅抹茶味唔系好浓，但咬多2啖就会食得出。而个麻糬，其实就同有麻糬系入面嘅窝夫一样无太大分别，不过佢舖系面就有个Gimmick咁。窝夫底仲有小小黑糖酱比你点住食，整体都好好食，仲好啱大家打卡，keke~
🔆整体食物唔错，亦坐得几舒服，不过唔知系唔系咁啱我地系坐系个喇叭前面，觉得有小小嘈，而且音乐仲愈夜愈大声，搞到我地后来都唔系好倾到计lu....😂
🔆Pleasure指数（满分5粒🤩）
🐭小姐：🤩🤩🤩🤩
📌地址：荔枝角长义街9号D2 Place ONE 地下G03号舖
张贴
