泰 (瓊華中心)

营业中

休息中

琼华餐厅众多，呢间泰国菜都系爆满，当县有佢嘅吸引力。特别钟意呢到座位宽敞，环境干净，仲有卡位，装修都有泰国风味。啱晒朋友聚餐，座得够舒服。🫔泰式小食拼盆 $168好丰富嘅小食拼盘，有鱼饼、鸡翼、虾饼、米网皮春卷2件，沙嗲串烧4件。差唔多可以试晒咁多款小食！串烧可以自由配搭猪牛鸡，牛肉串烧特别出色，牛肉完全唔干（唔知系咪因为同集团有做本场烧肉），牛柳粒嘅软腍口感。沙嗲酱加入花生粒，花生未好香浓米网皮春卷炸得够香脆，馅料都好丰富。虾饼弹牙爽口，点埋酸甜酱更滋味。🍚香叶肉碎炒饭 $118超大兜嘅炒饭，一上枱香叶味扑鼻而来。饭炒得比较湿润🥬马拉盏炒通菜 $88好有镬气嘅马拉盏通菜，马拉盏酱料浓味够咸香味。🥥椰子雪糕糯米饭 $88第一次见呢个泰式甜品，原个椰子底层装左暖笠笠嘅糯米饭，上面有雪糕，面层再有椰子酱。糯米饭好软糯，新鲜煲起嘅感觉。冷热交融嘅糯米饭加雪糕，再配合香浓嘅椰子酱，好喜欢呢个饭后甜品。