牛摩 (沙田中心)

营业中

休息中

今日去开沙田，行行下街，小朋友又想打边炉😅上网睇下有冇好嘢，喺牛摩嘅其他分店试过，有保证，再入去呢间试吓。今次叫咗寿喜烧锅同蕃茄锅，我觉得寿喜烧锅甜甜地好好味，小朋友就钟意蕃茄锅。牛肉冇得输，牛肌腹好香牛肉味。阿古豚梅肉好腍滑。另外仲可以任饮任食，我就钟意食牛舌，小朋友钟意食鸡件。出边仲有大量蔬菜，丸，萝卜，芝士肠，都好新鲜，有雪柜超冻咁样雪住。甜品柜有啫喱、大福、泡芙。虽然种类唔算好多，不过主要打边炉，之后仲有甜品都几好，另外仲有软雪糕自己攞，超多Toppings可以拣。想赞一赞嘅系沙律，而家夏天有成34度，个雪柜嘅菜，超级冰凉，因为放得耐都怕会唔新鲜，但系竟然觉得佢嘅沙律超级正，冻冰冰又够新鲜。除咗有罐装汽水，仲有果汁汽水机，同埋热饮。我试咗雪梨汁，好清凉，唔算太甜，我钟意。另外想赞一赞沙田分店，因为出边实在太热，其实小朋友话去打边炉我都有啲却步，不过暑假就就下佢啦，食到一半，仍然觉得冷气充足，完全冇热嘅感觉，差唔多食完，仲有啲凉嘅感觉，好少火锅店，做到冷气可以咁劲。墙上嘅装饰亦都令人感到好日本风，食得几开心。