影片
更多
2022-08-06
1609 浏览
好钟意去谭臣道揾食，皆因那里小店林立，有齐日式、越式、港式等，甚至连供应菲律宾菜嘅餐厅都有，选择众多，而且价钱亦非常经济。最近又畀我哋发掘到一间新开嘅舒适清新系食肆，店舖取名「玖零冰室」，估计系由一班 90 后嘅年轻人主理。餐厅门面好抢眼，以纯白为主调，配以室内嘅霓虹灯装饰，色彩缤纷，既时尚又有活力，令人耳目一新。先睇下餐牌，食物选择都几丰富，有全日早餐、捞面、常餐，另外亦有芝士焗饭、日式咖喱蛋包饭等，而且最特别嘅就系餐牌标明使用日本米，足见餐厅选料非常讲究。我哋点左玖零全日早餐 ($72) 同 一客意式蕃茄浓汤面。全日早餐用料好丰富，有西冷牛扒、3.6 牛乳炒滑蛋、蜜糖炒菇、纽伦堡香肠、丹麦多士同沙律。薄切牛扒质素唔错，入口柔软；滑蛋炒得够金黄。纽伦堡肠外皮卜卜脆、劲有咬感；丹麦多士松化且带浓浓牛油香，同吃大满足！至于另一客浓汤面就拣左猪八戒 ($58)，面底可以自选，有稻庭乌冬、米粉、通粉、意粉或公仔面可供选择。蕃茄汤底新鲜熬制，内有粒粒番茄，真材实料。另外仲有大量豚肉片同日式厚切叉烧，豚肉片肥瘦均称、日式叉烧软腍有脂香，配上滑溜又富弹性嘅稻庭乌冬，让人一吃爱上。跟餐饮品点左黑牛
最近又畀我哋发掘到一间新开嘅舒适清新系食肆，店舖取名「玖零冰室」，估计系由一班 90 后嘅年轻人主理。
餐厅门面好抢眼，以纯白为主调，配以室内嘅霓虹灯装饰，色彩缤纷，既时尚又有活力，令人耳目一新。
先睇下餐牌，食物选择都几丰富，有全日早餐、捞面、常餐，另外亦有芝士焗饭、日式咖喱蛋包饭等，而且最特别嘅就系餐牌标明使用日本米，足见餐厅选料非常讲究。
我哋点左玖零全日早餐 ($72) 同 一客意式蕃茄浓汤面。全日早餐用料好丰富，有西冷牛扒、3.6 牛乳炒滑蛋、蜜糖炒菇、纽伦堡香肠、丹麦多士同沙律。
薄切牛扒质素唔错，入口柔软；滑蛋炒得够金黄。纽伦堡肠外皮卜卜脆、劲有咬感；丹麦多士松化且带浓浓牛油香，同吃大满足！
至于另一客浓汤面就拣左猪八戒 ($58)，面底可以自选，有稻庭乌冬、米粉、通粉、意粉或公仔面可供选择。蕃茄汤底新鲜熬制，内有粒粒番茄，真材实料。
另外仲有大量豚肉片同日式厚切叉烧，豚肉片肥瘦均称、日式叉烧软腍有脂香，配上滑溜又富弹性嘅稻庭乌冬，让人一吃爱上。
跟餐饮品点左黑牛 (+$12) 同 咖啡红豆冰 (+$15)，黑牛唔系好多地方有供应，朱古力雪糕，再加埋冰冻可乐，真系冇得输。
近排有人爱上咖啡红豆冰，几乎每次出街食饭都点，呢杯嘅咖啡味比较浓，有啲似 espresso，幸好红豆份量十足，占了半杯。搅匀一齐饮，红豆嘅甜味中和左咖啡嘅苦涩，令味道即时平衡返，有惊喜，值得推介。
张贴
