玖零冰室

营业中

休息中

玖零冰室有好多款唔同嘅早餐，我最鍾意就係飽肚粉麵系列。有時挨近十一點半先叫，個份量直頭可以做埋午餐。所以粉麵啲湯都係另上，個湯底每次都係keep到熱辣辣，粉麵份量都係非常足夠。我最鍾意係仿鮑片通粉，啱晒懶人方便食，但湯底就略嫌鹽左啲。蕃茄通粉試過一次，但就覺得酸左少少，純粹唔啱我口味。跟餐會有炒蛋，另外仲有丹麥多士。但如果賣晒，就會自動轉牛油多士。另外覺得呢度鴛鴦唔錯，叫凍飲的話直頭飲唔晒...總結呢講，灣仔呢頭高質的早餐，好多女同事都鍾意食。

見佢門面尚算企理，諗住入去試一試，我自問對食物要求不高，當時下午約3點時間食下午茶時間，首先因為我剛完成工作已經好攰，用手指住餐牌位置，個侍應仍不停大聲咁問我食咩，我再指，佢再問，態度已經有問題，食物剛剛到，已經要急住埋單，當時約3點15分，原來間野收4點，我話可唔可以收左其他客人先，我係個背囊中攞銀包，個侍應個樣好唔耐煩地企定定係度等，食物質素一般，睇d皮隻雞脾一定是翻叮，重要唔夠熱。我不推介該餐廳

我同班同事每日最緊張就係食乜嘢午餐，為咗食，我哋今日坐電車由中環去到灣仔，就係想食依間冰室。呢間冰室好乾淨，座位寬敞，最重要係啲侍應真係好好。我見到有個韓式辛辣麵餐，乜嘢都有好鬼正，可惜我唔食辣，侍應提議幫我辣粉另上，等我可以自由落。真係唔好講笑，成個套餐加埋嘢飲都只係$61 ，但係就有齊我最鍾意食嘅丹麥方包、煎雙蛋、煎豬扒、仲有韓式拉麵。雖然我只係落咗好少辣粉，但係個湯加埋芝士都已經好好味，食到我好滿足。仲有杯凍檸茶，我叫走甜少冰，侍應真係幫我加好少冰，同埋啲檸茶好香濃，最後我哋帶着開開心心嘅心情繼續返中環返工。

想係灣仔快食又坐得舒服，都係會選擇黎喱間冰室，職員好好，差一個人都破例能入座，入座後點了以下午市套餐：-古早羊腩飯：預佢一大煲煮好曬，所以落單5分鐘內上到菜是預料之內，上枱熱辣辣又大碟飯餸均多，有6-7舊羊腩，腐竹算是完整，不是爛溶溶，羊腩夠腍夠入味，肉質唔乾冇渣幾好食，個汁撈飯一流。-配熱檸茶：茶底唔苦已經唔錯用新鮮檸檬。店內裝修新穎，食飽周圍進下裝飾都冇咁眼訓，整體服務唔錯，上餐速度快又有禮貌，讚讚讚!!!

灣仔係Lunch 多選擇，要快速入座都好靠同伴嘅眼光，今次黎到位於灣仔一間新穎冰室，入座後點了以下套餐：-日式鰻魚蛋炒飯：上枱熱辣辣又大碟，除左碟大份量都好大，目測有碗半飯，一粒粒鰻魚唔係碎係有咬口，同埋都幾多鰻魚好驚喜，只係落鹽炒得唔均勻，有一邊會好鹹，蛋碎唔夠多，總結係好食。-配凍檸茶：不過不失，至少茶底唔苦is ok。整體服務唔錯，我地多人都俾到連位算唔錯，上餐速度快，食完又唔會趕你走，讚讚讚!!!

去得茶餐廳其實都唔會預期有好周到嘅服務態度或者高水準嘅食物質素，但係呢一間茶餐廳真係近年嚟食過最差嘅……👍🏼茶餐廳入面嘅環境乾淨，裝修亦都好企理，枱同枱之間又有適當嘅距離👎🏼叫咗一份全日常餐，沙嗲牛肉湯意粉加煎雙蛋同丹麥多士，餐飲叫咗熱奶茶。（$50） 呢一份常餐中規中矩，係丹麥多士上枱嘅時候已經五馬分屍，我仲以為俾人偷食咗。另外一份叫咗番茄豬扒湯意粉， 加一份3.6牛乳炒蛋，+$9 叫咗凍咖啡 。（$69）佢準備嘅過程中聽到微波爐「叮」一聲已經心知不妙，但係估唔到佢係用微波爐翻熱個番茄湯，所以嗰碗湯得中間係熱嘅，出面係凍。炒蛋亦唔係我哋認知嘅炒滑蛋，叫佢做奄列會合理啲。女侍應嘅態度亦都唔係特別好，坐低咗冇幾耐就問我哋會唔會叫炒飯或者炒麵，因為師傅要洗鑊。比完錢即刻講拜拜，如果多一句多謝大家都會開心啲（將心比心，落單同俾錢嘅過程中，我都有唔該前唔該後），總結就係以後唔會再去呢一間茶餐廳

據朋友所說，這是一間由九十後的青少年人開設的餐廳。為了支持一下香港的年輕人，所以特意來光顧。不過九十後原來不知不覺間也開始走向中年。眼見店內的職員應該是廿餘至30餘歲左右，起碼不是年紀老的職員。大家可能會覺得，我沒有講太多食物，因為這兒的食物沒有什麼特別，質素平平穩穩，也不會是難食。 至於環境是有點新派香港特色的。在灣仔區，60餘元一個餐，食物味道ok，算是價錢合理，祝願這班年青人可以繼續營運這間餐廳 ，香港需要勇於嘗試勇於創業的年輕人。

灣仔冰室眾多，但食物花款大多相似，有時都想搵啲新意，呢日經過譚臣道「玖零冰室」，見到門外放有幾個瓦煲作招徠，想必內有地道嘅煲仔飯，決定入黎一試。🥰🥰「玖零冰室」裝修略帶潮流感，環境企理舒適。雖然煲仔飯是冷冰冰的冬夜恩物，但要係灣仔搵到煲仔飯呢啲懷舊菜式都唔容易，所以望一望餐牌，呢日我好快就叫左豆鼓排骨煲仔飯（$78）。一開煲蓋，只見排骨肉嫩骨酥，鼓汁味香濃。然後淋少少香甜豉油，再焗一焗，飯粒分明煙韌。食到最底仲有香脆嘅飯焦，十分惹味！😍😍玖零冰室地址：灣仔譚臣道29號樹發樓地下C號舖

在灣仔囍帖街行街影相，之後周圍行下行下就見到個小巷，好奇心驅使下睇下有什麼店，跟著就比「玖零冰室」既裝潢吸引左，好現代化嘅設計，但食既野係茶餐廳菜式，所以都好有興趣試吓同一般茶餐廳嘅分別。招牌秘製奇味雞煲 $78店家用自家秘製醬料煮雞，有洋蔥🧅、青椒，雞肉香口滑溜，如果喜歡異地菜的你一定會喜歡😋雙重芝士鮮蕃茄濃汁焗豬扒飯 $60蕃茄味非常濃烈，亦都幾酸，感覺開胃，配上雙重芝士睇得又食得，豬扒肉質幾淋。

今日路過灣仔譚臣道， 比依間90冰室個名吸引左我入去， 入面有特色嘅霓虹燈裝飾，又有冰室既懷舊綠白色瓦仔地磚， 潔白既牆身裝修對比住冰室嘅懷舊名稱，有夠特別～今日食個late lunch,叫左芝士鮮茄豬扒焗飯 -用日本米做既炒飯底都係第一次食，個汁用上新鮮蕃茄，清而不膩🤤值得一讚係豬扒有成去面甘大塊，鬆軟可口，一啲都唔韌！同埋，個飯係超多汁，汁怪一定要試， 真係食到最尾一啖都有汁！老細醉愛公司治- 我家老細好欣賞呢個公司治， 豐富到佢一口都食唔晒， 蕃茄生菜新鮮爽脆， 烘底加埋腿蛋芝士真係絕配！我家老細話入面塊芝士味好出好好味！唔怪得見到舖頭都多人點， 值得推介！鴛鴦紅豆冰- 鴛鴦茶味同啡味都好平衡，唔會話好似出面茶餐廳嗰啲好酸，配合粉粉沙沙的紅豆，好岩我口味😋

今日返工前去咗灣仔譚臣道呢一間冰室食早餐 舖頭坐落都幾寬闊，唔會有好迫嘅情況 早餐時間都算多人，不過好彩唔使等位我就叫咗沙嗲牛肉公仔麵，炒蛋，丹麥多士同埋一杯熱檸茶 丹麥多士，一向都係我最愛，呢度都唔錯，不過不失 火腿奄列味道都唔錯，份量亦都唔少，亦唔會有太油嘅感覺 啱晒我哋呢啲大食嘅人，抵食 沙嗲牛肉公仔麵都幾大份，牛肉起碼俾六至七件，比其他茶餐廳份量大 沙嗲牛肉味道都非常出色，唔會有咬唔開嘅感覺，公仔麵軟硬亦都適中最後飲埋杯熱檸茶返工

在灣仔買完電腦配件，當然順便吃個晚飯才回家，路過這家新派冰室，自到店名「玖零」，估計是由一班90後的年輕人打理，所以，內進吃個晚飯支持一下。餐廳門面以純白為主調，而裡面一邊白色條子磚牆，另一邊是湖水綠，加上很多霓虹燈裝飾，色彩繽紛，字句很本土特色，整體簡潔而有種小清新的感覺。晚市的選擇有小菜套餐、四季煲仔飯、雞煲、少量西式碟頭飯。店員補充，午市反而會有更多選擇。最特別的是店子不是日本餐廳，但卻用上日本米使用，真是有誠意，故此，那白飯吃起來也特別美味。在小菜套餐中選了D餐：「荷葉籠仔蝦醬豆腐蒸腩片」（$78），當送到枱上，即時嗅到蝦醬的香氣，雖然腩片看起來有點肥，但因為切得很薄，又有處理過，故此入口不會感到很油膩，再者，用上蝦醬去蒸，十分之惹味；而下面的豆腐口感是十分滑溜，又有豆香， 這個菜式，拌飯真是一流。本身個套餐只包一罐汽水，不過可以以半價轉飲其他飲品，這樣就當然一試「奶茶紅豆冰」（+$13），奶茶入口香濃富茶香，紅豆口感軟綿綿，又有紅豆的清甜味，兩者混合在一起，十分好喝。此外，還看到有咖啡紅豆冰、鴛鴦紅豆冰，有機會再來試試。一男一女侍應看上去非常年青，但卻是十分很有禮貌，而且餐廳

📍 玖零冰室 (灣仔)灣仔譚臣道29號樹發樓地下C號舖做完運動勁肚餓，見到間夜晚諗唔到食乜。見到個白色門面勁吸晴，而室內裝修又好搶眼有好霓虹燈裝飾，影相一流✨✨👉 芝士鮮茄汁豬扒焗飯💰$60😋😋😋😋.2/5一上枱仲見到煙，熱辣辣新鮮岀爐，面頭大大塊豬扒，上面配上大量芝士，蕃茄味十足，豬扒大大塊又夠厚身，咬落啖啖肉，火喉控制得好好，唔會話煮得太乾，仲保留到，個飯底仲要係炒飯底，正！✨黑牛💰跟餐加15😋😋😋😋.2黑牛唔係周圍有，黑牛望落賣相都唔錯 除咗有朱古力雪糕同可樂，做完運動有quota 可以飲🤭🤭👉 玖零全日早餐💰$72😋😋😋😋.2/5食all day breakfast 唔洗一定去cafe ge，冰室一樣有！呢到全日早餐用料好豐富，有西冷牛扒、3.6 牛乳炒滑蛋、蜜糖炒菇、紐倫堡香腸、丹麥多土同沙律。個炒蛋好滑，丹麥多士勁香口😋😋全日早餐真係非常豐富，食完好滿足！💓✨檸啡😋😋😋😋.2/5想飲咖啡又想飲檸檬茶，檸啡就可以滿足晒我一次過夢想🧸🧸回頭: yesYesyes!! 。食物款式多，質素不錯，最緊要價錢親民！💕💕💕✨✨✨#kermit食在灣仔

習慣返工前都會嚟食個早餐先😋沙嗲牛肉麵配煎雙蛋+丹麥多士。。。正😄佢個沙嗲牛夠香濃沙嗲味又唔會好咸。。麵質唔會太冧太硬，丹麥多士烘到啱啱好，熱辣辣配埋牛油，唔錯👍🏻

買個外賣都等咗勁耐，我叫嘅只係menu上普通一個早餐，仲要當時鋪入面唔多人，係坐唔滿嘅，唔明點解都咁慢，仲要有堂食嘅人遲過我落單都有野食先。女員工態度又唔係好，唔會再幫襯。