龍尾軒

营业中

休息中

今日有朋友生日，约左佢入大尾笃玩之余仲卜左间私房菜 俾啲惊喜佢餐厅有房 私人空间好足，仲有大电视，真系岩晒一班朋友聚会。前菜泰式凉拌蛏子皇、芋头饼、椒盐九肚鱼蛏子皇超新鲜，酸酸辣辣，非常开胃。芋头饼，中间太多馅料，外皮炸到酥脆。椒盐九肚鱼，炸到非常酥脆外脆内软仲食到鱿鱼嘅鲜味。五指毛桃玉竹炖鸡汤茶色嘅汤本身都会令到人食指大动鸡汤味道非常鲜美，系呢啲冻冻地嘅日子饮返碗真系一流甜豆百合炒安格斯牛肉甜豆爽脆，牛肉亦都非常之有牛味肉味浓郁一绝顺德煎酿鲮鱼外脆内嫩佢地张鲮鱼肉酿入去，酥脆嘅外皮同鲜嫩嘅鱼肉肉馅亦都好香，非常惹味金汤石榴球呢味菜净系睇卖相已经赢咗，馅料丰富加埋用南瓜蓉调制而成嘅汁，相映成趣。鲍汁章鱼鸡粒炒饭炒得够干身，粒粒分明鲍鱼粒同章鱼粒非常之有咬口，口感配搭非常好！