影片
更多
2023-07-04
37 浏览
大坑好嘢食多就系人都知，竟然唔少人都推介呢间中菜，今日嘅人嚟到附近就决定试一试佢。一上楼梯已经好有大坑嘅特色，一条栩栩如生嘅火龙画像映入眼帘。首先，嚟到嘅系猴头菇炖鸡汤，餐厅得意之处系用茶壶形式将汤盛起，咁样好方便一班唔钟意汤渣嘅人。至于汤好香浓，眼见用作汤底既鸡都有唔同嘅款式，入口又舒服，唔错唔错。前菜，腌青瓜，啱晒夏天嘅餐前小食。青瓜清爽、腌汁清新，成件事10分夹，好开胃👍👍。今次起店员介绍吓试试佢新推出嘅套餐，包括炸子鸡及两款小菜。炸子鸡啱啱上枱已经好靓啦，鸡皮香脆、第一嚿甚至乎系爆汁，好好食😋。配上侧边半碟嘅虾片，啱晒钟意食香口野嘅我哋。第一碟小菜，我哋叫咗咕噜蜜汁黑豚肉，食得出黑豚肉系刚刚炸起，外边香脆里面弹牙。👍第二碟小菜，我哋叫咗XO酱炒四季豆，呢个要赞镬气好足，加上XO酱唔会太抢，调味刚刚好，四季豆软身得来仲保持到水份，高水准嘅小菜。🤘🏻最尾都仲有少少，想试吓其他菜式，叫咗个煎蚝饼。蚝肉比例超多，配上特制嘅酱汁、同埋腌洋葱，又估唔到识落咁夹咁好味🤤。最后店员亦都请我哋食糖水，绿豆沙，唔算太甜，但就都煲到溶。整体来讲，呢间中菜位于旺中带静嘅地区，所以人数唔多环境质素亦好高
首先，嚟到嘅系猴头菇炖鸡汤，餐厅得意之处系用茶壶形式将汤盛起，咁样好方便一班唔钟意汤渣嘅人。至于汤好香浓，眼见用作汤底既鸡都有唔同嘅款式，入口又舒服，唔错唔错。
前菜，腌青瓜，啱晒夏天嘅餐前小食。青瓜清爽、腌汁清新，成件事10分夹，好开胃👍👍。
今次起店员介绍吓试试佢新推出嘅套餐，包括炸子鸡及两款小菜。炸子鸡啱啱上枱已经好靓啦，鸡皮香脆、第一嚿甚至乎系爆汁，好好食😋。配上侧边半碟嘅虾片，啱晒钟意食香口野嘅我哋。
第一碟小菜，我哋叫咗咕噜蜜汁黑豚肉，食得出黑豚肉系刚刚炸起，外边香脆里面弹牙。👍
第二碟小菜，我哋叫咗XO酱炒四季豆，呢个要赞镬气好足，加上XO酱唔会太抢，调味刚刚好，四季豆软身得来仲保持到水份，高水准嘅小菜。🤘🏻
最尾都仲有少少，想试吓其他菜式，叫咗个煎蚝饼。蚝肉比例超多，配上特制嘅酱汁、同埋腌洋葱，又估唔到识落咁夹咁好味🤤。
最后店员亦都请我哋食糖水，绿豆沙，唔算太甜，但就都煲到溶。
整体来讲，呢间中菜位于旺中带静嘅地区，所以人数唔多环境质素亦好高，10分舒适。店员服务态度好好👍，食物质素都偏高。
张贴
